東張西望｜利穎怡踢爆油塘公屋阿婆扮觀音 翁靜晶一眼識穿：係呃人技倆

踢爆公屋婆婆扮「活觀音」行騙

《東張西望》日前踢爆油塘有一位公屋婆婆疑扮「活觀音」行騙。有觀眾投訴，婆婆給了米、香及花生化寶後，封了20元利是作香油錢卻被歉太少，婆婆更遊說可以用電子支付，更指擁有不少警察善信會捐1,000元香油錢。《東張西望》節目組為追查事件派人「放蛇」，接觸婆婆旗下的一位「隊長」引薦見面。

打噴嚏就能4神上身

原來呢位「活菩薩」婆婆非常貼地，居住在油塘一公屋內。雖然單位面積只有100多呎，但擺滿大小不同的神像，包括觀音菩薩、濟公等。婆婆聲稱菩薩會借她把口說話，但菩薩上身過程非常兒戲，見婆婆打完幾個噴嚏，就向放蛇節目組說：

「一請菩薩，就有四種菩薩做嘢，有觀音、濟公、地藏王、彌撒。」

儀式時婆婆亦非常細心，驚大家未能明白她的講解，更為客人提供說明書。婆婆又向節目組自爆變成「活菩薩」的經歷，表示源於30年前到朋友屋企，而朋友本身就有十幾尊絲綢做的神像，第一次感受到上身感覺，更直言：「嗰時我都唔知自己咁勁」！

翁靜晶一眼識穿：係呃人嘅技倆！

之後《東張西望》亦有向篤信佛教；一向致力打擊假和尚及假尼姑的翁靜晶求證，她一眼便識穿婆婆有問題：「你睇佢歸類已經好大破綻，因為濟公肯定唔係佛教嘅，只係民間傳說，最多只可以講係道教，呢啲東拉西扯係呃人嘅技倆。其實佛教係禁止神通，菩薩上身就更加無可能！打兩個乞嗤就可以上身，我諗你相信佢自己都有問題，佢用佛教名義去做，就係打住人哋旗號幌子去呃人。」

（有片）東張西望｜打個乞嗤就四個菩薩同時上身？

某公屋單位內，有個自稱係四個菩薩化身嘅「活菩薩」婆婆，上身方法竟然係打乞嚏？佢哋點樣以「美男計」用交收佛經為由，引你上釣騙財？「佛門警訊」創辦人翁靜晶又有咩睇法？