林明禎6年前曾受情傷！含淚拒認小三公園密會被偷拍一日「短命戀」

Sep 14 2024

有「大馬甜心」之稱嘅女神林明禎最近被呂爵安「公開求愛」造成接近一星期的風波，最後女神以保守態度拒愛，其實林明禎入行11年少有緋聞，對上一次就係2018年與年輕兩歲的男藝人的感情瓜葛，當時男方主動於Facebook示愛，不過發展下去就因為偷拍事件變成悲劇收場的「短命戀」⋯⋯

28歲林明禎曾經密會年輕兩歲男藝人

2018年5月20號，當時28歲的林明禎被台灣媒體影到同年輕兩2歲嘅男星張軒睿於公園逛夜遊私會，兩天後22號張軒睿隨即喺於Facebook高調晒相認愛。但戀情唔夠一個月就告吹，林明禎更被指做人小三！之後林明禎出席活動，首度開腔回應咗呢段短命戀…..

林明禎短命戀 plt 林明禎在台灣緋聞之後少有男性埋身，個人IG最多就係同高大威猛的弟弟合照，曾被誤會係追求者。（圖片來源：林明禎Facebook） — 林明禎在台灣緋聞之後少有男性埋身，個人IG最多就係同高大威猛的弟弟合照，曾被誤會係追求者。（圖片來源：林明禎Facebook）

重溫林明禎Facebook疑似「被認愛」

林明禎對上一次涉感情的新聞，係喺2018年520當日被影到喺公園同台灣男星張軒睿拍拖，之後張軒睿po咗一張佢同林明禎嘅背影合照，寫上「I’ll always be here for you.」，tag埋林明禎！貼文曝光後，引起熱議，好友溫貞菱首先留言「不用仰起頭，也能看見天空」，林心如也回應「勇敢的向前吧」，而章廣辰則回應：「喜歡你暖暖的文字，洋溢著滿滿的幸福」，這些話疑似表達祝福。

林明禎被台灣小鮮肉認愛後反應錯愕！

但女神就坦言對張軒睿喺Facebook公開認愛一事表示「不知情」，一開始都係被公司打爆電話先知有呢件事發生，當下傻眼，完全不知道如何回應。張軒睿同林明禎2016年合作拍攝偶像劇《狼王子》，之後張軒睿為女方的MV《不是不愛》擔任男主角，睇嚟佢哋關係一直都很幾好喎…原本以為只係好朋友，點知突然自爆認愛，巴打們對於失去咗一位女神真係好傷心！

林明禎短命戀 plt 張軒睿公開示愛，只不過後來發展峰迴路轉！（圖片來源：張軒睿Facebook ） — 張軒睿公開示愛，只不過後來發展峰迴路轉！（圖片來源：張軒睿Facebook ）

林明禎短命戀 plt 台灣男星張軒睿，又被稱「國民弟弟」～（圖片來源：東方新地） — 台灣男星張軒睿，又被稱「國民弟弟」～（圖片來源：東方新地）

林明禎短命戀 plt 喺《狼王子》劇中，林明禎同張軒睿仲有嘴嘴情節⋯⋯ — 喺《狼王子》劇中，林明禎同張軒睿仲有嘴嘴情節⋯⋯

明禎留言：「沒有一句實話」

但林明禎嘅戀情公開過後，二人竟然被爆「已分手」，林明禎仲喺Instagram寫住「沒有一句是實話」。當時傳聞多多，有指林明禎認為張軒睿沒認愛的勇氣、亦有消息指疑似有第三者、亦有報導指兩人認愛不同調等原因產生嫌隙。不過，女神林明禎被爆分手之後，就喺IG上Post咗一張相「沈默不代表沒底限」及「沒有一句是實話」。

「短命戀」只得一日但被屈小三

而被媒體報導之後兩人就自然而然沒有再聯繫過，戀情無疾而終。女神哽咽咁話：

「被週刊拍到的那天後就沒聯絡，那是我們第一天，也是最後一天單獨約會。」

更加冇諗到呢段短命戀會變成羅生門，莫名奇妙地背上「小三」嘅罵名！

分手後現身會見台灣傳媒「不實的報導像把利劍」

分手後的林明禎，回應時眼眶泛淚，表示過去選擇不回應，係因為有太多不真實嘅謠言亂傳，仲話：「不實的報導像把利劍，可以殺死一個人。」但就話唔會選擇封鎖對方咁幼稚。見到女神喊哂口咁真係好令人心痛啊！女神就此回應話：「看了非常多奇妙的故事，不知道怎麼反應情緒、感覺，我都覺得報紙編輯可以去當《黑鏡》的編劇。」

失戀後反問記者被冤枉做小三感無奈

被問到「短命戀」係咪真係得一日，林明禎忍住喊咁反問「你覺得呢」，然後再度強調唔知點用言語形容，講到自己係獨自離開家鄉大馬，「抱著夢想到台灣工作的孩子」，被冤枉做小三真係好無奈。睇到報導被當做小三嘅時候，林明禎話留咗喺屋企喊咗幾日，但感謝媽媽完全沒有提這件事，不似報導所講被媽媽罵哭，「我很感動，她很相信我。」