林明禎10年前未箍牙舊照出土 「大馬女神」靚樣網民直呼認唔出？
廣告
34歲「大馬女神」林明禎最近與MIRROR成員呂爵安（Edan）的緋聞越演越烈，繼早前被爆於歐洲與Edan撐枱腳後，日前Edan再於社交平台高調護花，引起網民熱議！事件一出除咗激起無限話題外，就連林明禎過往嘅情史，以及10年前未箍牙嘅舊照都再次出土……
2016憑一張IG相片「一炮而紅」
有業內人士憶述，林明禎2016年嘅時候因為一張IG相而爆紅，至於點解會突然嚟咗香港，其實係當時有一個fintech品牌嘅branding campaign 要找代言人，那時該品牌做了一個focus group測試audience （即係宅男）對唔同代言人嘅response，test過Lilian Kan、周秀娜、蘇麗珊⋯⋯反應都係麻麻，突然客戶決定自己問下身邊嘅宅男，發覺好多人都提到林明禎，於是找廣告公司IG DM佢聯絡，搵佢嚟香港，就係咁樣開展咗林明禎喺香港拍廣告嘅旅程。嗰個廣告開始，明禎每年都會嚟香港幾次，每次佢都係會好有禮貌上客戶公司拜訪，同客戶公司嘅員工開心合照、任影唔嬲，有時仲會帶自己嘅CD做手信！
林明禎2016年前未箍牙舊照出土
林明禎向來以外貌出眾聞名，不過精緻嘅背後其實落咗唔少苦工！林明禎早前就曾在社交平台晒出自己箍牙前的舊照，以貼身背心側身出鏡嘅林明禎大騷豐滿身材，仲回眸對住鏡頭甜笑，一雙電眼十分殺食！雖然睇落一樣咁靚，不過林明禎的牙齒同臉型同現時嘅精緻模樣都頗有出入。
網民直呼「認唔出」林明禎
林明禎的舊照一出土，隨即引來唔少網民留言直呼認唔出女神：「嘩 這真的是你嗎」「認不出了，變好多！」「omg這是你？？」「女大18變啊」「果然箍牙會令人的樣子變好多，連臉型都變好看了」「現在樣子變漂亮了好多，不過身材倒是一如既往地好」「箍牙就是最好的變美手段了」
即睇更多林明禎箍牙前舊照！
