緊張老竇林海峰𥄫實呵護管接送 15歲細女高材生女拔轉港島國際學校
廣告
林家有女初長成，52歲林海峰（Jan）98年與天后彭羚結婚，婚後育有兩個寶貝女，眨吓眼大女林泳下月滿20歲、細女林清則15歲。早前，大女爆出與高大威猛男朋友拍拖，媽媽彭羚親自管接送，而爸爸就冇咁開放，就邊點對點睇實婷婷玉立含苞待放嘅細女林清 。
撰文、圖片：東方新地
林海峰15歲細女林清初長成 身形瘦削潛力十足
品學兼優外形又出色，外界目光一向集中在大女林泳身上，其實唔覺唔覺，林家二小姐亦都已經初長成。19歲林泳高過媽媽彭羚，15歲林清原來都唔 弱，高度已經同林海峰並排、身形瘦削手長腳長、長髮飄飄加上一身健康膚色一樣潛力十足。
睇實15歲細女 點對點呵護接送
早年由名校女拔轉至港島區國際學校，一頭長髮身穿超短校服裙的林清一放學就被司機接走穩穩妥妥送回家。而來回學校路線以外，林海峰只要不用工作都盡量跟足，繼早前被影到跑住步等囡囡補習後，上月又見林清落街買條法式麵包，林海峰都要親自睇實。咁又係，天氣微暖已經急不及待換上吊帶碎花裙，爸爸肉緊啲都係人之常情！
