林盛斌搬屋｜告別九龍塘三層獨立屋堅持只租不買、逆市升級同區大型豪宅

Mar 2 2022

疫情嚴峻，經濟下滑，不少打工仔收入大減，但藝人林盛斌（Bob）就剛剛相反，仲愈撈愈發！日前原本租住九龍塘三層獨立屋的Bob，在IG透露再搬大屋，認真令人羨慕。

42歲林盛斌10年時間細單位搬入豪宅

現年42歲林盛斌向來顧家又勤力，吸金能力極強，被封「隱形富豪」，同太太及4子女家住九龍塘的三層獨立屋，一家六口幸福滿滿。日前Bob在IG上載一張相片，影低一家六口住開的三層獨立屋，並寫道：「拜拜，多謝你呢三年為我哋遮風擋雨。」此帖一出，不少網民勁羨慕他再換屋，紛紛留言：「Bob爺好勁，呢個時勢再搬大屋。」、「住得起好叻！一個能承擔所有屋企人使費嘅人，仲叻！」、「Good Luck!愈搬愈大，羨慕！」等。

現年42歲的林盛斌向出名吸金能力強，同太太及4子女住九龍塘的三層獨立屋，一家六口幸福滿滿。（圖片來源：IG@bob_lamshingbun）

林盛斌日前Bob在IG透露再換大屋。 — 日前Bob在IG透露再換大屋。（圖片來源：：IG@bob_lamshingbun）

升級同區大型豪宅

據知林盛斌一家六口將升級到同區私隱度更高的特色豪宅，面積比舊屋更大更舒適。而Bob接受傳媒訪問則表示因舊屋租約期滿，剛剛搵到同區附近適合的新屋，所以轉換新環境。他又大讚新居，風水又好，環境又唔錯，又光猛等等，有更多空間給子女活動，所以決定搬屋。Bob又指轉換新環境，可以令自己有新的感覺，新的動力，會繼續努力做好工作同事業。

林盛斌 Bob大讚新屋風水好，環境又唔錯，還有更多空間給子女活動。 — Bob大讚新屋風水好，環境又唔錯，還有更多空間給子女活動。（圖片來源：IG@bob_lamshingbun）

拍片解釋為何租樓唔買樓

其實每次阿Bob搬屋，都會有人他為何只租不買，今次亦不例外，於是他就將他之前曾經拍過的廣告短片重新分享至IG，去解釋只租不買的原因：

「其實好簡單，四個字-『機會成本』！假設你想住好啲，九龍塘，人一世物一世，五千尺大屋，我計過，最平個間都要1-2億左右。我就當1億5千萬，咁可能你有其他物業係身，咁要畀15%釐印費。」

他屈指一算，買豪宅要手持近一億現金，繼而他續說：「如果我有9千幾萬現金，我唔會咁用囉，更何況我冇。如果我真係有9千幾萬我會選擇投資唔同地方，分散風險，每年有5%回報，9千幾萬一年5%回報，就400幾萬，一個月都40萬。我租層樓誇張咁講都係10-20萬，仲剩20萬畀你用，所以所謂呢啲豪宅係抵租唔抵買，不過戴定頭盔，以上方法未必適任何人。」

親自回覆網友：物業我都有買嘅，不過唔係我住緊嗰啲

其後阿Bob又回應網友質疑，作出補充：

物業我都有買嘅，都有收租，不過就唔係買我而家住緊嗰啲囉，因為買一間咁樣嘅屋比自己住，唔係資產，係負債⋯⋯

面對網友再次指控迫老婆做「生仔機器」，阿Bob再次澄清：

從來都冇追仔呢個諗法，而太太亦都唔慘，佢睇住每一個小朋友長大，好感恩，好開心

至於有觀眾取笑他靠介紹女星給富貴好友謀利，阿Bob就高EQ作出回應：

多謝你留言先，不過我又唔係十分認同你嘅形容，可能你覺得我介紹身邊嘅朋友令到佢哋開心拍拖，幸福快樂，而令到你有呢個錯覺！同埋有一樣嘢就係，成件事，係唔會有錢收嘅，因為佢哋係我嘅朋友

據知林盛斌將升級到同區私隱度更高的特色豪宅，面積比舊屋更大更舒適。（圖片來源：：IG@bob_lamshingbun）

不過阿Bob話佢冇九千幾萬現金喎！ — 阿bob表示買豪宅比自己住，唔係資產，係負債⋯⋯（圖片來源：IG@bob_lamshingbun）

07年結婚 Bob嫂陪阿Bob上位做賢內助

由電台 DJ 到電視主持、由參演電視劇到做埋電影男主角、由活動婚禮司儀到自己做埋製作、經理人公司老闆，今年42嘅Bob 林盛斌可能係近年上位最快、瓣數最多、曝光又最頻密嘅男藝人！曝光多、人氣高，簡單嚟講即係搵錢能力都驚人，連屋都愈搬愈大愈住愈豪。

林盛斌 Bob與太太Pearl不時大晒恩愛。 — Bob與太太Pearl不時大晒恩愛。（圖片來源：：IG@bob_lamshingbun）

林盛斌「大過地球」三層巨宅曝光

07年結婚，婚後生完又生如今家有三女一子，係搵到所以唔怕生多啲養多幾個，定係生得多所以搵食動力都高過人，咩原因都好，總之個結果就係搵到亦都享受得起！ 15年由太子道900呎舊居搬去加多利山三千呎豪宅，之後再被逼遷後更上一層樓，入住九龍塘三層獨立屋，地方更闊落設備更齊全，用經常上門作客嘅老友農夫成員 C 君嘅說話去形容，Bob 屋企「大過地球」咁話喎！

林盛斌 07年同老婆黃乙頤結婚，Bob 捱得、老婆都生得亦好學肯做幫到手搵食，如今林家三女一子出親街都浩浩蕩蕩。拜年張全家大合照，留意番玄關雙門高樓底設計，甚具豪宅大戶風範。 — 07年同老婆黃乙頤結婚，Bob 捱得、老婆都生得亦好學肯做幫到手搵食，如今林家三女一子出親街都浩浩蕩蕩。拜年張全家大合照，留意番玄關雙門高樓底設計，甚具豪宅大戶風範。

林盛斌人緣好屋企又大，林宅經常被圈中朋友及兒女同學仔用作開 P 飯敍基地，老友翠如生日都係喺度慶祝。 — 人緣好屋企又大，林宅經常被圈中朋友及兒女同學仔用作開 P 飯敍基地，老友翠如生日都係喺度慶祝。

林盛斌林太精打細算持家有道，L形大梳化由加多利山舊屋搬去九龍塘新居繼續用，客廳大到放到巨型大梳化之餘仲有座按摩椅，依然大把位剩，一家大細一齊做運動都冇問題。 — 客廳大到放到巨型大梳化之餘仲有座按摩椅，依然大把位剩，一家大細一齊做運動都冇問題。

平時早出晚歸四出奔波搵錢養家，疫情打擊下被迫放緩工作步伐，Bob 難得多咗時間留喺屋企湊吓仔女享受吓家庭樂，分享多咗同仔女玩樂學習日常相片，「大過地球」豪宅間隔亦都因此逐格曝光，飯枱大到加埋轉盤開到一圍十二人酒席、偏廳可以改裝成遊戲廳闊落過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館，一家六口加埋三個工人姐姐都夠住仲綽綽有餘，睇怕 Bob再追多幾個都仲得！