林盛斌賀大女霏霏16歲撞樣余思霆 社交媒體Q&A透露鍾情表演工作

林盛斌大女霏霏16歲生日發文嘆：愈來愈擔心

大女霏霏（林霏兒）今日（05/31）16歲生日，Bob亦在社交網貼上與大女林霏兒合照，並留言：「大家姐，霏霏，咁就16歲。呢啲款，我細個嗰陣，溝硬，唉，真係越嚟越擔心……」不少網民留言大讚霏霏「女大十八變」、「霏霏好靚女」，大家都向霏霏送上生日祝福之餘，當中有網民更笑指Bob：「主持女兒的婚禮不是夢」、「你要擔心三次」。

霏霏大方回應網民問題：作為大家姐冇可能仲呷醋啦

霏霏早前曾在社交平台與網民玩你問答，面對網民各式各樣的問題，霏霏都耐心回應，回答亦非常得體大方，可見霏霏與家人關係非常有愛，Bob兩公婆教導有方。有網民問到：「你鍾唔鍾意屋企咁多兄弟姊妹一齊大？會唔會覺得爸爸偏心？」

霏霏大方回答：

「冇特別唔鍾意，有好都有懷嘅，佢偏心嘅話，細佬掛？不過佢仲細，我哋大個嗰啲又唔係成日喺屋企，所以正常嘅，我作為大家姐都冇可能仲呷醋啦，的確好錫我嘅，呢個係無可否認」

霏霏更分享與爸爸的對話截圖，力證爸爸Bob對自己非常關愛。

霏霏作為大家姐「零壓力」

另外都有位網民問到霏霏作為大家姐，會不會感到好大壓力？又問屋企人有否將她與細佬妹比較？霏霏就覺得大家姐的身分「零壓力」，亦坦言屋企人之間沒有比較，不過可能在態度和禮貌方面會以她來做例子，更透露自己向來都好少受到責備，看來作為大家姐的霏霏在家裡面已經是個好榜樣。

霏霏透露將來會從事「表演」工作

又被問到會不會想好似爸爸Bob咁做藝人，霏霏就回答表演是從小的夢想，而爸爸都有建議她不要進娛樂圈，而她都好明白娛樂圈是另一回事，而且會好難賺到錢，又會好大壓力，會覺得好難做，不過她都會透露將來會做表演方面的工作。

霏霏坦承「無睇爸爸Bob嘅戲」

有網民就問到霏霏最鍾意爸爸Bob演那個角色，又問到霏霏有沒月看過爸爸的節目，覺得爸爸表演如何？霏霏就直言她沒有留意香港的電視劇，亦沒有留意爸爸的節目，不過就好Sweet回答：「最鍾意我老竇做我老竇嘅角色得唔得」，大曬對爸爸的愛！

大女霏霏自爆因身形而極大壓力 曾經諗埋一邊

Bob經常在社交網站上分享他家庭的快樂時刻，但他的女兒霏霏正處於青春期，她經常在照片中遮住自己的臉。兩年前，當她只有14歲時，她在社交網開「心事台」同網友傾心事，面對一名抱怨自己「皮膚好差、又肥又樣衰」的網友，她感同身受地透露自己小四時曾有過輕生的念頭，而她的解決辦是去尋找自己的興趣，最後她發現自己原來好鍾意聽音樂劇，她勉勵網友說：「每個人都有一個自己嘅世界，唔好抱怨試吓搵佢出嚟吧！」

霏霏曾撰千字文為父出頭 回應酸民攻擊

霏霏在去年尾也曾撰千字文為為爸爸反擊負評，獲網民大讚EQ高及孝順。Bob在網絡上經常受到不少鍵盤戰士攻擊，有人攻擊他的光頭，有人攻擊他的樣，有人攻擊他的表情，亦有人攻擊他幕前的誇張聲線和作風等。結果，Bob的13歲大女霏霏終於忍不住爆發了，早前在IG限時動態Post千字文為爸爸平反。內容怒嗆網民無腦，無見過真人就能大聲批評，還大讚爸爸在台上發光，台下更是顧家好爸爸。事後有很多網民都表示欣賞霏霏勇敢又敢言。更大讚霏霏叻女，Bob是好爸爸，教育方式好，充滿正能量。更有網民認為無視負評才是最好的方法。

林盛斌後知後覺大女有社交平台 分享大女如何處理網民抨擊

Bob早前在節目《日日媽媽聲》第二輯中亦曾現身分享育兒心得，被問到對四名子女如何分配時間，他坦言必定不平均，「好似大家姐（霏霏）依家13、 14歲，要管佢嘅時間真係唔需要太多嘅﹗大家姐想有自己時間多啲嘅，佢唔想你跟住佢太耐﹗」羅敏莊指兒女正值反叛期，會有自己生活圈子，甚至父母都未必知子女自己開了社交平台及網上頻道，Bob就話：「我真係比較差勁嘅！係好後期先知，咁我入去睇吓，原來佢都寫幾多﹗」陳凱琳就話：「囡囡寫關於你㗎喎，為你護航！」

讚大女EQ好

Bob就話：「有時關於我嘅報道，有啲網民又或者人哋轉發畀大女睇到會話『你爸爸點樣點樣唔好，你爸爸點解生得咁醜樣？』會有一啲唔太好聽嘅說話，有攻擊性嘅，以及負面嘅留言，估唔到佢嘅EQ幾好，佢會回覆：『我覺得我爸爸喺我心中係好英俊！唔知你又係點嘅樣嘅呢？』。」

Bob大女遺傳父母發放正能量

各主持都大讚Bob大女貼心為父母護航，羅敏莊大讚Bob懂事的大女似足Bob嫂，Bob就話：「多少係因為我或太太喺屋企發放正能量！」Bob又話最近睇到大女霏霏IG即時動態，同大家玩你問我答，有一個網民留言指自己因身材肥胖而經常被人笑！Bob大讚女兒回答得好好：「個女答佢『其實一個靚嘅女仔係唔會因為身材而影響本來嘅自信，我哋最靚係內心嘅美』，佢諗嘢好正面！又有一日佢同我講每一日起身落床前都會同自己講”Today is a beautuful day”，佢學到呢樣我好感恩！」