林盛斌晒溫馨照豪宅意外曝光 超大落地窗騷巨型花園獲讚有財力！
林盛斌豪宅大到有花園
林盛斌日前趁住國慶假陪老婆仔女打麻雀，更影低溫馨一幕擺上社交平台。不過網民就注意到林盛斌老婆身後嘅超大落地窗，以及窗外嘅花園，豪宅曝光亦令大家紛紛留言表示羨慕：「呢個落地窗不得了」「屋企嘅一角已經放得落麻雀枱，其他地方應該仲大」「簡直係豪宅咁」「出邊仲有花園，認真有米」
陳敏之爆林盛斌身家超驚人
林盛斌向來都係圈中嘅吸金王，百足咁多爪嘅林盛斌仲曾被好友陳敏之爆身家已超過10億港元！而林盛斌更於2022年逆市換樓，搬離九龍塘嘅三層獨立屋，並於同年帶住一家六口升級進駐到擁有超巨花園嘅豪華住所。不過除咗豪宅，林盛斌還擁有多輛靚車，並且在海外有置業，生活可謂是相當優渥!
林盛斌10年時間細單位搬入豪宅
林盛斌向來顧家又勤力，吸金能力極強，被封「隱形富豪」，同太太及4子女家住九龍塘的三層獨立屋，一家六口幸福滿滿。2022年Bob在IG上載一張相片，影低一家六口住開的三層獨立屋，並寫道：「拜拜，多謝你呢三年為我哋遮風擋雨。」此帖一出，不少網民勁羨慕他再換屋，紛紛留言：「Bob爺好勁，呢個時勢再搬大屋。」、「住得起好叻！一個能承擔所有屋企人使費嘅人，仲叻！」、「Good Luck!愈搬愈大，羨慕！」等。
升級同區大型豪宅
據知林盛斌一家六口將升級到同區私隱度更高的特色豪宅，面積比舊屋更大更舒適。而Bob接受傳媒訪問則表示因舊屋租約期滿，剛剛搵到同區附近適合的新屋，所以轉換新環境。他又大讚新居，風水又好，環境又唔錯，又光猛等等，有更多空間給子女活動，所以決定搬屋。Bob又指轉換新環境，可以令自己有新的感覺，新的動力，會繼續努力做好工作同事業。
拍片解釋為何租樓唔買樓
其實每次阿Bob搬屋，都會有人他為何只租不買，今次亦不例外，於是他就將他之前曾經拍過的廣告短片重新分享至IG，去解釋只租不買的原因：
「其實好簡單，四個字-『機會成本』！假設你想住好啲，九龍塘，人一世物一世，五千尺大屋，我計過，最平個間都要1-2億左右。我就當1億5千萬，咁可能你有其他物業係身，咁要畀15%釐印費。」
他屈指一算，買豪宅要手持近一億現金，繼而他續說：「如果我有9千幾萬現金，我唔會咁用囉，更何況我冇。如果我真係有9千幾萬我會選擇投資唔同地方，分散風險，每年有5%回報，9千幾萬一年5%回報，就400幾萬，一個月都40萬。我租層樓誇張咁講都係10-20萬，仲剩20萬畀你用，所以所謂呢啲豪宅係抵租唔抵買，不過戴定頭盔，以上方法未必適任何人。」
親自回覆網友：物業我都有買嘅，不過唔係我住緊嗰啲
其後阿Bob又回應網友質疑，作出補充：
物業我都有買嘅，都有收租，不過就唔係買我而家住緊嗰啲囉，因為買一間咁樣嘅屋比自己住，唔係資產，係負債⋯⋯
面對網友再次指控迫老婆做「生仔機器」，阿Bob再次澄清：
從來都冇追仔呢個諗法，而太太亦都唔慘，佢睇住每一個小朋友長大，好感恩，好開心
至於有觀眾取笑他靠介紹女星給富貴好友謀利，阿Bob就高EQ作出回應：
多謝你留言先，不過我又唔係十分認同你嘅形容，可能你覺得我介紹身邊嘅朋友令到佢哋開心拍拖，幸福快樂，而令到你有呢個錯覺！同埋有一樣嘢就係，成件事，係唔會有錢收嘅，因為佢哋係我嘅朋友
