梁朝偉10字回應重返TVB拍劇 22歲做韋小寶如今最在意1條件！

梁朝偉獲銀行贊助商支持40年前《鹿鼎記》晚晚重播

梁朝偉日前出席活動後接受記者訪問，當提及同為影帝嘅張家輝相隔20年再重返電視圈，更將夥拍胡幸兒齊齊參與由前無綫班底製作嘅刑偵劇時，梁朝偉亦難免被問及會否回巢拍劇。不過梁朝偉就表示有好計劃嘅話，不論係電影或電視劇都冇問題！

梁朝偉10字回應「重返電視圈」提問被指有霸氣 網民唔係咁睇

而當被問到TVB有否邀請梁朝偉回巢拍劇時，梁朝偉就直言沒有，更表示「自己無端端返去拍咩劇」，10字回應回巢TVB拍劇一事，被指有霸氣。網民就表示「禮貌上係咁答你 , 但事實上邊有電視台請得起你呢？」、「佢年輕時，三色台拍唔夠咩，日接夜接日，無時間休息，用到佢盡，依家唔年輕，點捱得住！」、「唔通無線肯花$1億，叫佢回巢拍劇咩？唔好玩啦！」、「62都唔比人退休！有啲60幾仲開緊演唱會，真係吾比機會下一代！」

梁朝偉自爆最睇重1條件

雖然梁朝偉對回巢拍劇一事保持觀望態度，不過佢就大方透露無論係電影或者電視劇都好，最緊要係自己有冇興趣，並未拒絕任何拍劇嘅邀請，亦令唔少觀眾對梁朝偉會否久違回巢TVB拍劇大感關心！

TVB重播梁朝偉劉德華版《鹿鼎記》

TVB《鹿鼎記》（梁朝偉版）於1984年推出，由杜琪峯執導，並由梁朝偉、劉德華及劉嘉玲等主演。適逢今年係「金庸百年誕辰紀念」，加上又係TVB邁向57年台慶嘅大日子，TVB就安排於本周五（11號），周一至日每晚重播。