37歲梁靖琪分享餵人奶心得 留家抗疫 網上大講湊仔經
廣告
梁靖琪去年6月下嫁細8年嘅圈外男友施雋賢（Jonathan）成為施太，並於同年12月誕下兒子施睿文（Roman），可謂幸福滿瀉。近日新冠肺炎肆虐，雖然不能經常出外享受家庭樂，但梁靖琪依然日日喺網上分享湊仔日誌兼餵人奶心得，自得其樂！
原文刊於：東方新地｜編輯：Sunday Kiss
梁靖琪分享餵人奶心得
轉眼間囝囝已經百日大，Toby孖老公為囝囝舉行百日party慶祝。Toby為囝囝準備咗個熊公仔蛋糕，家居四周以藍、白色波波布置，而壽星仔Roman就著上灰色一件頭加煲呔，非常醒目！Toby以英語留言表示好感恩有Roman呢個仔，又指自己同老公都好錫囝囝，希望囝囝開心快樂地成長。見到Toby上載短片中嘅Roman笑到咭咭聲，勁得人鍾意囉！
經歷第一段婚姻後，事隔7年梁靖琪（Toby）重新出發，於去年6月閃嫁細佢8年嘅 28歲圈外男友施雋賢（Jon），婚後無耐更宣布成功陀B，巨肚成為焦點，最近成功剖腹生B，一家人幸福滿瀉。
梁靖琪巨肚懷8.6磅囝囝 一家三口晒幸福
36歲梁靖琪（Toby）去年六月與拍拖兩年、比佢細8年嘅圈外老公施雋賢結婚，上月27日 誕下8.6磅囝囝施睿文（Roman Sze），母子平安。初為人母嘅Toby隨即喺IG分 享一家三口合照晒幸福，佢話見到老公抱住囝囝嗰一刻，迅即淚崩！
經歷16小時嘅陣痛，最後要緊急剖腹，Toby話一切都並非自己預期及控制 之內，而係由上帝安排，並感謝醫生同護士們嘅幫助，最重要當然係感謝老公全 程陪伴。Toby仲話當佢第一次見到老公抱住囝囝嗰一刻，就知道佢將會係一個 好爸爸，當時佢仲感動到爆喊兼收唔到聲㖭！
