楊洛婷自爆被舊公司強逼執樣 唔就範即被雪 多得老公Tim拍心口照顧

楊洛婷43歲生日大曬迫爆上圍 回顧十年前夢想已成真

楊洛婷早前慶祝了她的43歲生日，這次生日對她來說意義非凡。她與老公黃天翱（Tim）同齡，二人婚後誕下一對子女，畫面充滿愛與幸福。楊洛婷在社交媒體上分享了多張靚相，並回憶起十年前33歲生日時的情景，感慨夢想已成真：

33歲嘅時候，我同佢結婚，當時我最希望同佢建立一個美滿嘅家庭，我就成為佢嘅黃師奶。今日43歲，夢想成真。

她表示，當年她最大的願望就是能夠和Tim一起建立一個幸福的家庭，而如今這個夢想已經實現，讓她感到無比感恩。

03年港姐亞軍楊洛婷社交網爆料

Dear Jane在2021年紅館開個唱，主音黃天翱（Tim）老婆楊洛婷就撐到底，每場都見她帶住一大班親朋戚友落力做啦啦隊，為老公打氣。個唱完畢後，楊洛婷在社交網寫千字文分享入行以來嘅高低起跌及經歷。身為03年港姐亞軍的她，竟突然自爆曾被舊公司逼去整容。

我被舊公司不斷無理咁迫我去整容，因為我唔肯妥協、唔肯就犯，所以就被人無情咁「掟入雪櫃」，結果我冇工作冇收入。

被舊公司逼害 唔妥協即時『掟入雪櫃』

楊洛婷一開始提到Dear Jane的歌曲令她想一些高低起跌經歷，之後她寫到：「曾經有一段時間，我被舊公司不斷無理咁逼我去整容，因為我唔肯妥協、唔肯就犯，所以就被人無情咁『掟入雪櫃』，結果我冇工作冇收入。當時我老公就好型咁同我講😎，佢會用佢嘅所有能力去照顧我。的而且確，我老公絕對有履行佢對我嘅承諾，而幸運嘅係，我精彩嘅主持生涯亦隨即展開。呢個就係我哋❤️愛情故事嘅開始。」

網民驚訝：咁索都要整？

曾勸老公轉行感內疚

楊洛婷表示雖然好相信老公及Dear Jane，但在樂隊經歷最低潮時，她竟曾勸過Tim面對現實，甚至轉行：「依家諗番，我好慶幸佢當時冇聽我講，我真係好佩服佢哋對理想嘅堅持同毅力！」

老公開騷 親朋戚友搶飛

以往Dear Jane開騷，楊洛婷都會求神拜佛，努力叫身邊所有朋友買飛支持Dear Jane，但今次撞正她生完第二胎要坐月，沒太多時間幫手銷飛，竟然反過來有不少親朋戚友主動叫她幫手買飛：「連一啲素未謀面嘅人，好似餐廳侍應、幫我整電話嘅師傅等等，都一一走來搵我買飛（我即使再忙都出盡全力幫手答謝大家），我真心為Dear Jane感到無比嘅光榮同驕傲！」

楊洛婷03年加拿大返港選港姐

楊洛婷在溫哥華長大，1999年參加加拿大溫哥華「陽光少女」競選得亞軍，2003年度香港小姐亞軍兼旅遊大使獎得主，同屆冠軍為曹敏莉，同屆還有最上鏡小姐李施嬅，當時楊洛婷亦曾被8號落選佳麗劉春慧指她特別懂得交際，「懂得用說話討人歡心」。楊洛婷卸任後成為十年香港無綫電視合約藝員，她與TVB合約於2014年8月正式屆滿。