歡樂滿東華｜一文睇清東華籌款尷尬位 港姐背心上陣淋冰水+踩滑板

港姐背心上陣淋冰水

《香港小姐再競選》三甲何沛珈、李芷晴及陳懿德背心上陣，大玩「淋冰水」籌款。TVB電視城出名大風，三位港姐都玩到騰騰震，不少網民都替三位港姐感到可憐！

羅浩銘爬上車頂玩飛車

至於江嘉敏就同羅浩銘一起表演飛車，江嘉敏事前曾經以為只需要好優雅咁坐喺飄逸車上，誰不知道要一齊揸車，羅浩銘仲要在車頂上做出高難度動作！江嘉敏笑言自己每次練習前都唔敢食飯：「頭幾次練真係有啲頭暈，成日「Fing」到阿Sir都有啲頭暈，所以專登唔食飯過嚟，驚我會嘔啊！」

群女踩滑板 觀眾：「我到底睇左啲咩」

藝人何泳芍、郭柏妍、邵珮詩和王子涵等人在《歡樂滿東華2022》表演花式滑板，雖然其中幾位女藝人都對滑板略知一二，但大部分都要從頭學起，今次表演仲要大玩花式滑板，令一班女藝人都話「驚到想喊」！

到正式表演的時候，一班女藝人比想象中錫身，只是在斜台和兩三級樓級慢慢滑下來，睇到一班網民非常無語，紛紛留言表示：「我到底睇左啲咩」、「仲衰過公園板仔」、「咁樣叫跳咩」、「咁簡單要練啲咩」等。

關嘉敏 「2人3足」捉無人機

關嘉敏等人突然玩「2人3足」捉無人機，兩個人綁在一起捉無人機，藝人隊就捉得非常狼狽，相反東華代表就15秒內捉曬所有無人機！

《下流上車族》郭柏妍走曬音

林敏驄率領《下流上車族》一班演員在《歡樂滿東華2022》獻唱《下流上車族》的主題曲籌款。林敏驄與郭柏妍在彩排時一同接受訪問，郭柏妍就話自己是浴室高手，搞到林敏驄都搞笑回覆道：「咁一定失禮啦，到時應該失敗告終喇！結果郭柏妍就真係唱到走曬音，仲要唱得最大聲！

李君妍凌空打砂煲

何廣沛、何慈茵、李君妍、林子超、譚坤倫等人亦會為《打沙煲 爆善款》環節大打出手。何廣沛要與眾男對打，李君妍同何慈茵就要凌空打沙煲，在彩排的時候兩人已經達到雙手通紅，非常危險！

東華慈善版獎門人 辣辣壽司齊齊食

今次一班藝人同東華嘉賓代表，大玩慈善版嘅獎門人經典遊戲 – 排排坐！

猛男靚女搶包山！

《 歡樂滿東華2022 》版嘅搶包山，齊集一眾小生花旦，猛男靚女們為咗籌善款拼盡全力，鬥快爬上頂搶包，究竟係男子隊有優勢？定係女子隊更勁啲？

譚詠麟 攜聲夢畢業生拉開序幕：《明天仍要繼續》Live！

「校長」譚詠麟攜一班聲夢畢業生為今次盛事拉開序幕！After Class成員包括Gigi炎明熹、Chantel姚焯菲、Yumi鍾柔美、Windy詹天文，以及《 聲夢傳奇 》（第一季）畢業生Archie冼靖峰、Aska張馳豪同《 聲夢傳奇2 》畢業生Jasmine任暟晴、Janees黃洛妍、Sabrina趙紫諾、XiX，同校長一齊獻唱多首金曲

Mike 曾比特 、Jasmine 任暟晴 深情獻唱！

Mike曾比特帶嚟《 重見 》，再攜手《 聲夢傳奇2 》「傳奇新星」Jasmine任暟晴，獻唱《 我不是丘比特 》，甜蜜互動力撐東華！