歡樂滿東華｜Venus林沚羿驚險表演籌80萬！童年拍Marvel已陷火場
林沚羿 《歡樂滿東華》驚險演出籌得80萬！
勁驚險！今晚《歡樂滿東華2024》Hugo黃奕斌耍「火關刀」顯示霸氣，Venus 林沚羿不但挑戰火圈舞，仲同Hugo一齊表演「舞火壺」，在近千度高溫下演出，佢地喺Venus嘅爸爸（金牌武術指導）林迪安指導下，上演「與火共舞」，二人用火燃點起捐款熱線，場面精彩。Venus表演後受訪表示，「火圈舞」最大挑戰係呼吸困難，作為爸爸林迪安其實好心痛女兒，但基於「唔想縱壞阿女」事前冇直接講出口。 今次嘅表演事前經過反覆測試，做足安全功夫，林迪安對兩位「學生」表現甚表滿意，回顧去年同今年同樣籌得驕人成績，明年有可能再有新突破！
Venus 演出前分享心聲 ：好擔心
去年演出得到不少好評的Venus 林沚羿，在節目播出前一日公開徵求集氣支持：「雖然有林爸睇住..但我依家都好擔心！」
今次真係拿我條命仔出來博到盡！希望大家可以live支持因為我今年真係真係真係好需要大家打氣！
「舞火壺」表演高難度｜Venus 林沚羿、Hugo 黃奕斌籌得80萬！
林沚羿同黃奕斌舞動着火嘅兵器，因為涉及大量火嘅元素，林迪安話非常危險。 林沚羿直認好驚火，雖然三歲時經已跟爸爸拍攝火海場面，但都會驚，不過佢都話今次叫做可以征服到火海，林迪安覺得有危機感先激發到潛能。
林迪安再與愛女林沚羿上陣《歡樂滿東華2024》
林迪安、林沚羿同黃奕斌一早就為《歡樂滿東華2024》排練特技演出，林迪安一方面話訓練女兒，但內心係好擔心，黃奕斌話林迪安每日都到場，擔心囡囡有意外。林迪安話年輕時有慘痛經歷，被火燒傷面，所以唔希望囡囡同Hugo受傷，會盡力去保護兩人。
相關文章：
林迪安女兒林沚羿飛車射箭為慈善籌80萬！《歡樂滿東華》齊歷險父女同心
歡樂滿東華｜林迪安女兒曾參演《蜘蛛俠2》林沚羿3歲跟爸爸殺入荷里活林沚羿
聲夢傳奇｜11號學員林沚羿起底 曾做童星演出荷李活大片 父親係金像金馬最佳動作指導
林沚羿 Venus 曾演荷李活Marvel 大片
現年21歲的林沚羿（Venus）原來是著名武術指導兼演員林迪安的女兒，除了擔任動作指導外，林迪安又曾參演過《風雲之雄霸天下》、《中華英雄》、《拆彈專家》及《竊聽風雲2》等電影，最令人印象深刻的是他在電影《無間道》中扮演的角色「迪路」（迪比亞路），他亦憑這部電影獲得金像、金馬的雙料「最佳動作指導」獎。
1996年11月，林迪安與太太感情破裂，林太帶同兩名兒子離開香港飛去德國，林迪安在情急之下虛報航機有炸彈，結果被控浪費警力，判監十個星期。
此外林迪安又曾為《22世紀殺人網絡》（The Matrix）及《蜘蛛俠2》（Spider-Man 2）等荷李活大片擔任動作指導，3歲時的林沚羿就因陪阿爸開工而被導演森雷米（Sam Raimi）睇中，有份演出《蜘蛛俠2》，同「蜘蛛俠」杜比麥奎亞（Tobey Maguire）做對手戲，飾演被「蜘蛛俠」在火場中拯救出來的小女孩，足有近兩分鐘的戲分。
被封翻版鄧佩儀
長大後的林沚羿到了英國留學，她表示自己由參賽開始，進行了4個多月唱歌和跳舞的地獄式特訓，因此對接下來的比賽好有信心。她又指自己由2、3歲開始學唱歌，小學3年級就參加了校內合唱團，自問有唱歌天分。
林沚羿又透露自己在參加比賽前，曾於無綫遊戲節目《娛樂大家》做過PA暑期工，負責幫森美遞紙巾同抹汗。提到被指貌似鄧佩儀，林沚羿笑言：「係呀！我喺社交平台都見到有人留言話我似。」
林沚羿又講到《聲夢》學員平均年齡只有17歲，21歲的她自嘲已是「中女」，她直言：「中女都有charm（迷人）嘅地方，例如可以喺唱歌時表達情感表達得好啲！」
