沈月獲邀出席巴黎名媛舞會 試晚裝散發女人味
撰文：Kammy｜圖片來源：沈月Instagram，沈日Instagram
17歲沈月獲邀出席巴黎名媛舞會
17歲嘅沈月一向都深得網民喜愛，最近佢就飛到巴黎試晚裝裙，仲上載多張試晚裝嘅相。相中見到，沈月遺傳到媽媽邱淑貞嘅優良基因，笑得好甜美，仲擺出多個甫士為雜誌進行拍攝，超有專業模特兒嘅風範，散發出陣陣女人味！
巴黎名媛舞會（Le Bal des Débutantes）係世界10大頂級晚會之一，出席嘅人非富則貴，當中包括皇室成員、富豪、星二代等，每年只約20位、年齡係16至22歲嘅少女同其男伴能夠獲邀出席。曾經出席過嘅包括賭王何鴻燊四房女兒何超欣、霍英東外孫女劉澤儀等。
最靚星二代
邱淑貞(豆鬥)作為九十年代的性感女神，係唔少男士心目中完美的化身，不過佢自1999年嫁畀時裝公司IT老闆沈嘉偉後就淡出幕前。豆鬥結婚後替老公誕下三個女兒沈月、沈日及沈晨，其中長女沈月生得亭亭玉立、氣質出眾，皮膚及標致面孔都甚有母親的影子！雖然沈月平日多以淡妝或素顏示人，不過都足以睇到佢係個美人，相信過多幾年後能與母親匹敵！
14歲沈日晒靚相撼家姐沈月 網民：都係家姐靚啲！
沈家有女初長成，沈月同沈日兩姊妹都遺傳咗媽咪嘅良好基因，繼上次沈月幫爸爸沈嘉偉公司品牌行Catwalk之後，妹妹沈日原來都好識擺Pose！日前沈日去咗行藝術展，身穿黑色背心同短裙嘅佢，露出小蠻腰同長腳，被網民讚靚！
17歲沈月化身超模行Catwalk
17歲嘅沈月，完全遺傳咗媽媽邱淑貞嘅美貌，甚至比全盛時期嘅邱淑晶更有仙氣！對時裝一向有濃厚興趣嘅沈月，日前遠赴倫敦出席時裝周，更首次為爸爸的時裝品牌站台，打頭陣行CatWalk。一出場，沈月已經引起現場起哄，年紀輕輕嘅佢完全冇怯場，帶領一班Model行騷，以超Cool嘅表情完成CatWalk。
沈月妹妹沈日都忍唔住喺Instagram留言：「i’ m so proud of you gorgeous」（我真的為你感到很驕傲，非常漂亮！）
