流水落花｜花姐與鄭秀文同年出生 幕前演好友

花姐在《流水落花》的幕後花絮影片中，大談自己在接演這個角色前的掙扎，又直言今次將自己的處女作獻了給Sammi，她憶述：「我呢個角色就係一個士多老闆娘，導演就聲稱我係一個好直率，同Sammi係識咗好耐嘅朋友。」

花姐接拍前 以為要演粗魯肥師奶

花姐直指當時曾對新晉導演賈勝楓的選擇有所不解：「我估點解佢會搵我呢？九唔搭八咁樣、又未做過戲。我諗佢通常都係要搵一個粗魯、肥屍大隻嘅師奶，所以搵我囉。」但其實花姐之前已接拍過不少廣告，亦曾在《季前賽》等劇集客串演出，不過多數都係「做返自己」。其實作為經理人，花姐算是頗高調的一位，自從紅館事故後，已轉趨低調謝絕演出，今次客串電影，恐怕是絕響！

花姐睇完文縐縐劇本更加驚

但到花姐睇完劇本後，感覺更加疑惑：「我覺得點解又會文縐縐咁，所以我嚟之前係好大壓力㗎！我好驚導演叫我做一個賢良淑德嘅高貴女人，咁我就死喇！」

MIRROR成員鼓勵花姐：得閒咪做

因此在真正演出前，花姐曾詢問各位鏡仔的意見：「其實我應承嘅過程我係好忐忑嘅，我都有問MIRROR成員我係咪應該咁樣做嘅，但係佢哋都話：『咪做囉！你得閒咪做囉！做嚟畀我哋笑下好呀！』咁樣。」

網民大讚花姐入型入格

結果網民對花姐今次客串演出都話好驚喜，紛紛留言大讚她：「全場笑位就係花姐出場」、「有花姐多咗興趣睇」、「認得花姐把聲」、「花姐做得好好，入型入格！」等等。

《流水落花》正式官方預告

故事簡介：

一群離別原生家庭的小孩子，經莫姑娘（談善言） 安排下，遇上天美姨姨（鄭秀文）和彬叔叔（陸駿光） 這個短暫的幸福中途站，天美姨姨亦因此經歷十三年來從聚合到分離；遇上每一個孩子，他們卻又再要分散，感受到喜悅也要經歷分離的痛。