深宵閃避球｜鄭伊健再拍港產片！升呢做教練 8位小花集結變邊青
廣告
《深宵閃避球》於10月6日上映，鄭伊健再次拍攝運動電影令人期待，回顧上次他在《全力扣殺（2015） 》和《男兒當入樽（1995） 》分別飾過羽毛球選手、籃球員，今次已經升級做「閃避球」教練劉Sir，負責與周家怡飾演的社工楊姑娘一齊訓練8位新上位小花出賽！
鄭伊健演唱會2022詳情
伊健一出場就係Chok爆嘅西裝造型，不過實力方面似乎係揸流攤。（圖片來源：《深宵閃避球》預告截圖）
鄭伊健新片《深宵閃避球》 變身有型劉Sir
英皇電影《深宵閃避球》由近年浸大畢業的新晉導演應智贇執導，楊倩玲、羅志良及邵劍秋監製，演員陣容包括有鄭伊健、周家怡、錢嘉樂、李靖筠（Gladys）、陳海寧（Dee姐）、雲浩影（雲姨）、鍾雪瑩、黃淑蔓、宋嘉儀、李玗蓁、王頤等，故事講述8位邊青少女在教練劉Sir和社工楊姑的幫助下，組成一隊叫「粉青」的閃避球球隊，靠着打閃避球將人生帶回正軌。
闊別4年再拍港產片 運動題材28年前「入樽」最經典
今次係鄭伊健自從2018年《黃金兄弟》之後再拍電影，今年赴台灣拍攝台劇 《百萬人推理》要等到明年第一季才推出，但原來去年他已拍下這齣港味十足的《深宵閃避球》，對於男神繼《我老婆唔夠秤》之後再做阿Sir，觀眾都好期待，加上今次是球類運動主題電影，大家都想起1994年鄭伊健主演的《男兒當入樽》，當時鄭伊健還未演出《古惑仔》和《風雲》但角色已漫畫感十足，同片有鄭則仕、吳大維和麥家琪主演，仲有古天樂客串！
鄭伊健率領8位青春小花 李靖筠、雲浩影、陳海寧、鍾雪瑩最吸睛
在《深宵閃避球》電影中鄭伊健變身型爆的閃避球教練劉Sir，不過預告片所見似乎以搞笑劇情居多，而8位青春小花亦十分搶鏡，其中以「Dee姐」陳海寧飾演的林莉、Gladys李靖筠飾演的紀文，以及首次拍電影的「雲姨」雲浩影表現最為亮眼，而染了一頭藍綠色短髮的鍾雪瑩，亦吸睛度十足。
隊員獲港隊特訓一個多月
4位小花早前接受傳媒訪問，亦曾講到在開拍電影前，已有港隊和專業隊伍為她們特訓了一個多月，主要練習傳波、力度控制、腳法等基本功，訓練到大家都好有默契。幾位女隊員更不約而同視教練鄭伊健為男神，李靖筠更搞笑指：「望佢一眼都賺咗！」
即睇《深宵閃避球》前導預告：
有男神鄭伊健加持！
