「混血肥仔」老婆芊蕙子背景起底 移英誕細女 出軌分居時間整合
「混血肥仔」老婆芊蕙子背景起底
芊蕙子（Luby，葉芊蕙）現年29歲，2015年畢業於PolyU，就讀市場營銷及公共關係，工作三年後2018年加入「啱Channel」，原本是市場及公關部職員，之後亦參與不少幕前演出，逐漸為網友所認識，5年前IG只有2.3萬個粉絲，移英後增長至4.3萬Fans。
情侶檔現身 幕後變幕前
芊蕙子與混血肥仔結緣於「啱Channel」，2人於2018年拍拖，2019年常以情侶組合上鏡拍節目，2020年千蕙子誕女，2021年初表示「Pre wedding 都未影過」就已經拍下了全家福。
夫妻檔離開啱Channel
2021年於8月1日突然宣布，混血肥仔正式辭任「啱Channel」股東、CEO等所有職位，並留下一句「時候到了，我選擇放下，保存美好。」兩公婆一同離開啱Channel，帶同女兒移民移民英國，2022年9月在英國誕下第二胎，早前芊蕙子曾被批「條命差又遲婚」直斥唔準，日前今表示知錯「我依家知錯啦，下次去同個師傅講對唔住。」不過其後又將回覆刪走。
相關文章：混血肥仔長文公開分居協議詳情老婆落最後通牒原來因呢件事
混血肥仔5年前自認係「出軌慣犯」
「混血肥仔」5年前於其有份創辦嘅youtube頻道「啱Channel」中，與KOL「蝦條哥」孖住拍攝訪談片。「混血肥仔」在訪談中透露「25定24歲之前我係唔畀自己唔拍拖」，隨後被追問分手是否都係女方唔鍾意佢時，「混血肥仔」則表示：「之前係因為我鍾意咗第二個」，而且更幾乎每次都出現同樣情況，搞到身旁嘅蝦條哥都忍唔住直言「混血肥仔」係「X街」！而「混血肥仔」亦直言出現呢個問題嘅主因：「唔係我唔鍾意啲女仔困身，我想留一絲機會畀自己。」
「混血肥仔」13字形容與旗下KOL關係
而當時升呢做老闆嘅「混血肥仔」亦被問到「有冇食咗公司啲KOL」時，「混血肥仔」就笑住表示：「點會冇食」，之後更稱：「公司做麥當勞，你都食麥當勞啦」13字回應與旗下KOL關係，點知5年後竟一語成讖！
直認老婆算難服侍：「得我先頂到你㗎咋」
除咗談及與公司KOL嘅關係外，「混血肥仔」在片中亦被問到老婆芊蕙「算唔算係一個難頂嘅人」，混血肥仔就連環點頭表示「算㗎」，仲對住鏡頭稱「得我先頂到你㗎咋」。
