「一蚊Joe」游茛維宣佈離巢 效力無綫18年採訪態度欠佳被爆黑歷史
「一蚊Joe」游茛維宣佈離巢
游茛維日前在社交平台發文，宣佈在8日正式離開效力了18年的TVB。游茛維在千字文中感激TVB多年來給予自己機會，去挑戰不同的工作。游茛維在文中多次感激TVB，又強調如果可以再選擇，一樣會選擇以素人身份入行：
「咁多年，好多人都問過我『如果俾你喺一擲千金揀多次，到底要當時三年人工嘅39萬？定係素人簽TVB入行？由白紙一張、$1,500一個月做起？』我可以好肯定咁答你！感激我人生有機會入到TVB，感激有機會發掘自己做主持嘅能力，（2011年做#JPMorgan AD司儀，做到可以搵到老婆，有依家一個溫暖美滿嘅家），這一切一切都係2006年嘅「一個決定」！感恩感謝感激，我永遠嘅母校 TVB！」
一蚊Joe寸港聞記者 出文道歉被炮轟
2022年一蚊Joe（游莨維）到中環蘇豪區採訪雲咸街槍擊案時，於現場與其他記者發生不快事件，後來在網上發文暗寸對方。文中重提令人心酸的「馬尼拉人質事件」更令一眾網民怒轟一蚊Joe不專業。後來改發千字文，但不知悔改的態度依然令網民憤怒，亦有不少「乞人憎」歷史被翻出。
一蚊Joe事後在Facebook出post：「MJ我雖然唔係 #港聞記者，但係2010年我採訪 #馬尼拉人質事件 嘅時候，你畢業未呀，港聞記者？」帖文一出惹起眾怒，網民不滿其「老行尊」態度用年資壓人，不恥他用「採訪馬尼拉人質事件」來耀武揚威，繼而覺得《東張西望》非式新聞節目，不應該妨礙港聞記者採訪工作。未知一蚊Joe知衰還是公司施壓，他出post後三小時就刪post。
曾借老婆呃like 網民挖出3大黑歷史狠批不專業
一蚊Joe刪去「我採訪馬尼拉人質事件嘅時候，你畢業未呀，港聞記者？」帖文後，改發千字文交代事件，為失言一事道歉仍捱轟。他在文中形容自己「四不該」：不該勞氣，因為「冷嘲熱諷」已經聽得太多、不該稱呼該「工作人員」為港聞記者、不該引用馬尼拉人質事件、不該認真？但我確信做任何事應該「尊重自己的專業」。
『怒時不言，惱時不爭，敗時不喪，亂時不決』
=======================
事原做「咪兜圍訪」，要鬥快擺咪，爭取中間位置～ 喺擺咪同收咪嘅時候被一位後生嘅「工作人員」不斷單打，話『東張西望都嚟採訪，阻住晒～』
其實「做嘢啫」，你有你採訪，我有我做訪問～ 自問由2008 年「事必關己」開始，已經開始採訪生涯，當中受過的冷眼和冷言冷語已經不計其數。結果今次谷住啖氣，出咗個post，真不該～
1）不該勞氣，因為「冷嘲熱諷」已經聽得太多，就係唔知點解今次會「著咗」～ 如果一笑置之，根本唔會有件咁嘅事發生～
2）不該稱呼該「工作人員」為 #港聞記者，因為再三思量，其實佢應該係一位後生嘅技術人員。應該體諒喺落雨嘅情況，要做好新聞採訪，大家都不容易。
3）不該引用 #馬尼拉人質事件 ～ 因為是我採訪生涯感受最深的一次。但忽略會勾起相關人士的回憶，是我不對！
亦因此決定刪除前post。並在此鄭重向「事件」影響的所有人道歉，對不起
4）不該「認真」？但我確信做任何事應該『尊重自己的專業』！
因為易地而處，如果我去做採訪，係翹埋雙手等收工，咁就真係「阻住晒」
好似今次，我問咗「對上一次持槍傷人係幾時嘅事？」
而當我想問「非華裔刀手，有幾多個揸行街紙？」嘅時候，我尊重記者會剩返最後兩條問題，所以冇問～
========================
未來，我會繼續做好我嘅採訪工作，I shall stay calm & let the results speak.
文中，一蚊Joe提到「專業」二字令網民反應更激烈，翻出他以往採訪的「乞人憎」行為。
黑歷史1.追問亞視主播：係咪失業呀？
2016年，一蚊Joe採訪亞洲電視倒閉，他連番追問留守到最後的新聞主播問：「你依家係咪失業呀？」當沒有回應時更藐嘴，網民批評他幸災樂禍。
網民不恥一蚊Joe的行為，翻出他過往採訪「乞人憎」行為之餘，不斷留言狠批：「東張西望每日每夜都侮辱緊全香港記者」、「知唔知道東張西望點解被人寸？因為一直都唔專業」、「講個笑話：《東張西望》主持係專業」、「對方無講錯你喎，阻住晒」、「你好明顯將新聞採訪變成八婆內容就已經係唔專業啦。」又翻查舊帳並諷刺一蚊Joe當年在「馬尼拉事件」中亦只問了兩條無關痛癢的問題。
黑歷史2.直播老婆生仔被批呃like
2019年，一蚊Joe曾接受傳媒訪問時表示太太其中一邊輸卵管堵塞，要進行手術切除，後來又發現另一條輸卵管也堵塞了。但想要小朋友的他們不願再切除輸卵管，因此決定北上找神醫。一蚊Joe表示當時神醫給了一些不知名的藥包太太每日服用，後來輸卵管更神奇地沒有再堵塞了。經歷兩年艱苦的求子之路，太太終於成功懷孕。
一蚊Joe在2017年太太產子時，在Big Big Channel開直播，與觀眾分享兒子出生一刻。但一蚊Joe全程只顧著拍攝，不顧太太痛苦、崩潰大哭。後來接受傳媒訪問時被問會否因為拍攝而忽略太太時，他表示當自己看到太太哭的時候也有想過是否應該停下拍攝，安慰太太，但後來因為想和大家分享兒子出生，所以沒有停下拍攝。
黑歷史3.認不出名商人施永青
今年4月﹐一蚊Joe在尖沙咀碼頭進行街訪街訪撞正中原集團創辦人施永青，問他最想通關後去哪裡旅行，施永青回應一句：「原本計劃咗去馬爾代夫嘅……」網友笑他認不出人，他在社交平台澄清：「假假地都做咗12年 #東張西望 外景主持，我敢講，我認人都幾『口力』㗎 ！#認到施生唔會就咁嗌先生#馬爾代夫都貼地？#認人唔難嗌啱個名先至難」，暗指是剪接問題才令觀眾誤會他面盲。
憑《一擲千金》入行 星路平平曾演焦屍
游茛維在2006年憑參加由許冠文主持的節目《一擲千金》入行，當時在節目中他堅持到最後，卻只獲得了象徵性的一蚊獎金，這一幕讓他當場落淚。然而，這一刻卻意外地為他開啟了進入娛樂圈的大門。當時的TVB總經理陳志雲看到了他的潛力，邀請他試鏡，最終他在22期藝訓班中脫穎而出，正式成為TVB的一員。
在TVB的18年裡，游茛維不僅在多部劇集中擔任配角，多數都演不太起眼的角色，還主持了包括《東張西望》和《問問MasterJoe》等多個節目。
曾直播老婆生仔惹熱議
游莨維最出名的就一定係曾經在2017年6月直播妻子產子的過程，當時吸引逾千人收看，不過就一度惹來網民熱議，不少網民都炮轟游莨維唔尊重太太。
