文：東方新地｜圖：湯怡、麥秋成IG

湯怡公布囡囡叫麥紫喬

湯怡和麥秋成出po慶祝囡囡「MakQQ（麥紫喬） 出世一百日，大晒囡囡正面靚相，湯怡和麥秋成抱住囡囡一人錫一邊，好幸福，湯怡寫道：「 一百呢個數字代表圓滿嘅意思，不經不覺 呢個小朋友已經一百日有多了，親愛嘅麥紫喬，祝願妳茁壯成長，我們愛妳 」為紀錄女兒的成長，在IG開設帳號「mak.q.q」。

麥秋成豪言生夠六個先收手

麥秋成亦出po晒幸福並留言「 我親愛的女兒-紫喬 正在每天成長 這幾天妳很特別，好多嘢講。妳說出的第一個單字會是什麼呢？疫情期間，大家見面的日子相對減少。謝謝QQ讓我們親友相聚一起。一百呢個數字代表圓滿嘅意思，我們祝願妳茁壯成長、福壽年年。」麥秋成曾豪言想生夠六夠先收手，有網民留言問新手爸爸的生育大計何時進行？「係咪開turbo中？」、「仲記唔記得生六個嘅承諾？」

分享修身紮肚經驗

湯怡在6月底誕女後，花不足兩月時間就分享修身成果，她提到雖然bb女只有6磅左右，但自己「產後盆骨大咗好多， 好多褲都唔啱著」，於是嘗試了印尼紮肚療程，紮肚前先按摩刺激穴位，排毒去肚風，放鬆繃緊的肌肉，包括係膊頭、肩頸、坐骨神經，按完即刻鬆哂，仲舒服到訓著咗。湯怡撰文分享紮肚經驗，表示頭4-5次已經收好下腹贅肉，最後驗收日，盆骨足足縮細6cm 、腰部減8cm、腹直肌更回復1指！

相關文章：明星熱捧古法紮肚 楊茜堯、陳凱琳產後紮肚收細骨架

湯怡囡囡MakQQ提早父親節報到 麥秋成：你讓我們措手不及﹗

湯怡和排舞師麥秋成今年初閃婚，同時宣布雙喜臨門即將成為父母，湯怡B女MakQQ的預產期本是七月，但B女在（6月18日）父親節提早報到，令湯怡和麥秋成呢對新手父母措手不及﹗

湯怡：送給你最好的父親節禮物

湯怡和麥秋成的B女麥QQ突然提早大駕光臨，二人均在社交網與大家分享喜訊，湯怡貼出一張三手合照並留言：

你的前世情人突然大駕光臨
讓我們措手不及
但也是送給你最好的父親節禮物
@mcshing父親節快樂
我們一起努力

而麥秋成同時亦post出同一張相，並留言：

你提早的來臨
讓我們措手不及
驚喜 就是這樣
無論將來怎樣
爸爸媽媽永遠也在妳左右
愛妳❤️
謝謝太太給我一個溫暖的家
一起努力

湯怡B女重5.6磅好健康

其後，湯怡和麥秋成聯合回應傳媒：「我們家的女兒MakQQ喺6月18號出世了，重5.6磅，雖然比預產期早了，但身體健康。我哋真係冇諗過QQ會喺父親節前出世，QQ的誕生，令我們感到無比幸福及溫暖。再次感謝各位對女兒的關心及祝福。」

閱讀更多：

麥秋成上《日日媽媽聲》分享即將為人父心聲

無綫新節目《日日媽媽聲》由「20、40、60」3代星級媽媽陳凱琳、羅敏莊和余安安做主持，分享兒女經。早前一集（17號）邀請吳若希、葉翠翠及麥秋成做嘉賓，除了語出驚人的吳若希自爆懷孕期間最愛睇鹹片外，麥秋成被眾女大迫供時，更面紅耳赤承認與老婆大肚照行房……

麥秋成遭靚媽圍插

與湯怡一起半年就奉子成婚的麥秋成，在無綫節目《日日媽媽聲》慘遭5位靚媽主持「盤問」，問他是否花心男人？麥秋成直認花心：「要搵㗎嘛，要搵適合自己的，我對住每一個都好認真的。（識女仔以外貌行先？）不是，溝通，有溝又有通。」

麥秋成直認仍有衝動

麥秋成直認衰鹹濕，被指婚前好花弗好多女友，他竟說花心是為了搵合適對象。至於兩公婆是否仍有性行為？麥秋成聞言面紅耳赤說：「當然有啦！正常呀！（有沒有想過『曳曳』？）一定有，很正常的一件事。」

麥秋成免老婆辛苦揀禁慾

到了快問快答環節，麥秋成被問及寧願禁慾定縱慾，兩難之下他最後選擇禁慾，因為縱慾會令大肚湯怡好辛苦。

湯怡力撐老公

眾靚媽繼續連珠發炮追問麥秋成，就算答得幾好，麥秋成最終都要畀水淋作為懲罰，但他不忘撥頭髮扮chok。湯怡亦拍片讚老公會是一個好爸爸，隔空放閃。