《家好月圓》「中仔」溫家恆默默接job變爆肌中佬 同法拉維持姊弟關係多年

文：東方新地｜圖：東方新地圖庫、溫家恆IG及FB圖片

「中仔」溫家恆 轉型做男模

溫家恆（Vincent）曾在無綫2008年經典劇集《溏心風暴之家好月圓》中，飾演甘家孻仔「甘永中」，暱稱「中仔」，雖然在劇中演技被批評頗廢，但戲份同存在感都高過黎諾懿。

「中仔」可說是溫家恆的代表作，至今仍有不少網民記得他演過這個角色，特別是他反串唱歌一幕，最令觀眾印象深刻。

溫家恆在英國出世和長大，曾是英國倫敦大學學院高材生，畢業返港後原本有份高薪銀行工作，但有指他因在一次朋友聚會中被王賢誌睇中，介紹他加入無綫，而開始了他藝人生活。

由於溫家恆能講一口流利英語，因此在2006年加入無綫時，被派到明珠台《港生活‧港享受》做主持，又主持過《東張西望》，訪問過馮寶寶。

2008年《溏心風暴之家好月圓》監製劉家豪亦睇中他似「番書仔」（曾到外國留學的港人）的特質，而選擇他來演出「中仔」一角。

憑「中仔」一角彈起後，2009年溫家恆曾挑戰做歌手，並獲得「新城勁爆新登場男歌手」、「2009 Yes! 男新人王」等獎項，但只出過《Extreme》一隻唱碟，就在樂壇消失，成為一碟歌手。

當年溫家恆曾被網友力數爛蒲爛玩、大話連篇、態度囂張等罪狀，令他星途變得暗淡無光，近年一直以模特兒身份接拍廣告，社交網上除了廣告工作外，多是四出旅遊晒肌的照片。

當年24歲的小鮮肉「中仔」如今已變成36歲「中佬」，不過在溫家恆落力操肌之下，網民都大讚他比以前做「中仔」時Man得多。

同法拉維持「姊弟」關係多年

雖然在娛樂圈變成失蹤人口，但溫家恆原來多年來一直與《溏心風暴之家好月圓》中飾演他「家姐」的陳法拉一直保持著聯繫，2019年他就曾出席法拉的婚禮，法拉亦不時在溫家恆的帖文中派心心表達支持。

陳法拉在《溏心風暴之家好月圓》中飾演甘家孻女「甘詠慶」一角，兒時因扁桃腺手術而弄傷聲帶，是一名啞巴。

溫家恆作為模特兒多年拍過不少廣告，包括2018年孖阿Sa（蔡卓妍）拍的財務公司廣告，以及近日在各個車站的5G硬照廣告，不過變成「中佬」的他形象已大有不同，大家睇住廣告都未必認得出係佢。