炎明熹「解凍」後首次公開亮相被禁訪問 IG感性發文 親解台上鼻酸原因

炎明熹（GiGi）早前因合約問題被無綫「雪藏」長達半年，終於在今天（15日）「解凍」，出席了她主演的音樂特輯《戀上西沙》的宣傳活動。然而，無綫公關在記者到場後才宣布「炎明熹因時間緊迫，可能無法接受訪問」。儘管如此，炎明熹在活動中表現活躍，不僅現場演唱主題曲，還與粉絲進行了互動，顯得心情極佳。

炎明熹感性出Po：我好掛住大家

炎明熹在活動中表示「今日同大家一齊喺度，係好溫暖嘅感覺。」現場有數百名粉絲高呼口號為GiGi打氣。雖然被禁訪問，她事後在IG story表示對粉絲的思念：「我好掛住大家」、「感受到你的激動，哈哈」、至於被影到在台上鼻酸嘅畫面，炎明熹則解釋「實不相瞞，其實我流緊鼻水」。

麥玲玲睇好炎明熹未來展望

同場的麥玲玲師傅，曾在劇中飾演炎明熹的姑媽，她對炎明熹的未來充滿信心：「有困境咩？唔怕嘅！佢又唔係我哋啲老人家，佢可能有好多發展嘅，都係一樣好！係金子就邊度都會發亮，佢自己亦都好有實力，年輕人諗法又唔同，一定會想多啲嘗試，我亦相信有時有啲變化都係無可厚非，同埋咁大間公司都會有唔同嘅人出現。」麥玲玲表示，她相信炎明熹是一個念舊、有情有義的人，並笑言「離婚都唔一定係仇人」。

張美妮力撐囡囡：期待現場聽Gigi唱最動人一次

在劇中飾演炎明熹媽媽嘅張美妮亦發文力撐囡囡：「音樂特輯「戀上西沙」~最動人一次， 記者會一個圍繞親情、初戀、追尋理想嘅故事，今日第一次睇精華預告片，人靚景靚、音樂好聽，我都好想即刻睇吖！期待現場聽Gigi唱最動人一次，真的很動人12 月 21 日星期六 晚上 9 點半於翡翠台播映」。