「烏鴉哥」張耀揚慶生片流出真實一面曝光 好人緣連呢位「洪興猛人」都現身
廣告
現年61歲嘅張耀揚曾出演唔少港產片，當中於電影《古惑仔》飾演「烏鴉」、「耀揚」，以及《監獄風雲》中嘅「殺手雄」都令觀眾印象深刻，精湛嘅演技更被封為「惡人專業戶」。可惜張耀揚於2008年參與拍攝時意外受傷，需要花唔少時間休養，更因此淡出幕前，令唔少觀眾大感可惜。近日有網民曬出張耀揚慶生嘅片段，除咗曝光佢私下真實狀態外，仲展示埋佢極好嘅人緣……
張耀揚慶生片私下為人曝光
近日有網民曬出張耀揚慶生嘅片段，片中張耀揚許完願後更被差少少被身旁好友以蛋糕抹面，在鏡頭前大騷私人鬼馬個性以及超親切笑容。而po片嘅網民亦配文大讚張耀揚又靚仔又nice：「烏鴉哥回來啦，耀揚大哥還是那麼帥，平日裏為人非常非常的友善」可見即使淡出幕前十幾年，都仍然備受唔少觀眾喜歡！
張耀揚好人緣連「洪興猛人」都現身
張耀揚慶生嘅片段除咗展示私下鬼馬嘅個性之外，仲騷埋佢極好嘅人緣！皆因片中吳只有一眾好友，就連「洪興韓賓」尹揚明、林國斌以及彭敬慈等人均有現身，而且尹揚明更為好友以手機記錄慶生嘅片段，睇落交情相當唔錯！更獲唔少網民留言大讚：「烏鴉哥人緣真好」、「彭敬慈左邊好似係呂頌賢 右邊王合喜」、「都是一班兄弟，真好」、「這麼多好友，也稱得起白鴿哥和平的名字了！」
