狂野空姐廖慧儀前男友墮樓亡疑不堪被飛受情困折磨

Dec 2 2020

現年27歲的落選港姐廖慧儀前男友Sam，今日早上六時，被發現在油麻地一大廈高處墮下，被送往醫院搶救，最終不治。廖慧儀前男友Sam，約在墮樓前半小時在IG出post跟大家說再見，並指這兩個月來受盡折磨，請大家原諒﹗

文：東方新地｜圖：廖慧儀IG、孔德賢IG、Sam IG

廖慧儀前男友10月被飛

「狂野空姐」廖慧儀和圈外男友因感情出現問題，10月中分手，而廖慧儀曾出post指被跟蹤、死嚇、騷擾，令她不勝其煩，而文字間似指控前男友Sam。廖慧儀男友Sam上月曾接受傳媒訪問，坦言未忘情，受情困情緒好波動。
今日清晨六時，Sam被發現墮樓身亡，在墮樓前半小時，在IG即時動態以英文寫：「 Thank you for everyone who have been supporting throughout my journey.Goodbye.Please forgive me for doing this.Been suffering for 2 months both mentally and physically.Just couldn’t take it any longer.Sorry」（意指多謝在我人旅途上給予過支持的所有人，再見，請原諒我，這兩個月我飽受精神及身體上的折磨，再忍受不了，對不起）在同帳號中，留下大部分的相都是Sam和廖慧儀拍拖時的甜蜜合照在同一IG帳號，約早上十一時許，並以黑底白字留言：「哥哥已經不在了，感謝你們的擔心，未來會有設靈，會再通知。好妹上」。

廖慧儀控訴遭跟蹤恐嚇性騷擾

有狂野空姐之稱的廖慧儀落選港姐後，立即有大隻男友Sam呵番，不過戀情卻起了變化，先是Sam在IG公開警告《後生仔》主持孔德賢不要再找其女友廖慧儀，當時廖慧儀回應男友飲醉，大家仍是情侶。之後Sam再發文爆被飛，網民都戥男方慘被女飛，一直冇回應過分手的廖慧儀，因為發現電郵被人盜用，啞忍一個月，終於開口，自爆被跟蹤威脅恐嚇性騷擾、家人朋友同告受害，直指「呢啲唔係愛嘅表現」，雖然無指名道姓，但答案呼之欲出﹗

廖慧儀被封「狂野空姐」，參選時已是非多多，因網友留言指她是「姣婆」，當時廖慧儀的圈外男友Sam更與她一起寸嘴反擊對方。可惜，日前Sam就突然於IG出post自爆被廖慧儀狠飛，又質問廖慧儀：「回頭看所有嘢覺得我甚麼都不是？」廖慧儀圈外男友Sam遭狠飛心酸控訴廖慧儀狠飛圈外男友Sam，女方其後將IG的甜蜜合照全刪走。 — 廖慧儀被封「狂野空姐」，參選時已是非多多，因網友留言指她是「姣婆」，當時廖慧儀的圈外男友Sam更與她一起寸嘴反擊對方。可惜，上月Sam就突然於IG出post自爆被廖慧儀狠飛，又質問廖慧儀：「回頭看所有嘢覺得我甚麼都不是？」廖慧儀圈外男友Sam遭狠飛，女方其後將IG的甜蜜合照全刪走。

廖慧儀飛甩拍拖年半圈外男友

廖慧儀由參選以來一直大方公開戀情，在IG亦有大量男友Sam的親蜜合照，參選期間遭網民鬧爆，阿Sam亦挺身合力抗負評，大熱倒灶的廖慧儀，連日有男友四圍搵食呵番，就算廖慧儀同孔德賢傳緋聞，女方亦回應關係未變，不過十日後，Sam在IG貼出二人親蜜照自爆被分手「點解要選擇因為一啲小問題而突然狠心離開我，係咪因為入咗娛樂圈擴闊咗眼界，回頭看所有嘢覺得我甚麼都不是？」之後又立即刪post﹗

廖慧儀大反擊力數多宗罪

廖慧儀一直冇再回應感情事，更幾近絕跡社交網，潛水近一個月，當時廖慧儀大反擊，在IG即時動態發文指被人一直偷用自己的私人email，然後作出大控訴，全文如下：

跟蹤威脅恐嚇性騷擾
當街偷我電話跑走
捕我落堂
炸我WhatsApp講粗口鬧我唔去見你
全日打幾百個電話畀我打到我電話無電
出post說我不是要話畀世人公審我
我被人鬧唔緊要，呢啲人都係互不相識嘅人
佢哋根本唔知件事嘅來龍去脈
但唔好事後同我講個post唔係自己出
係account被hack咗再搵朋友食死貓扮到事不關己
扮呀妹扮朋友搵我

日日都玩跳樓你要搞清楚呢啲唔係愛嘅表現
你要唧解方法我已經一早做咗相都已經del咗
唔該你唔好再騷擾我打搞我、我朋友同我屋企人
其實好多嘢已經可以報警處理
但諗吓點解我被你騷擾一個月我都冇咁做。
點解？我一路被陌生人人身攻擊，我都冇出聲
成件事如果你係受害者
呢個唔係你最想要同埋最好嘅結尾咩？

廖慧儀發文力數過去一個月被滋擾，更禍及家人朋友。 — 廖慧儀發文力數當時被滋擾，更禍及家人朋友。

「狂野空姐」廖慧儀親揭分手真相控訴遭跟蹤恐嚇性騷擾 — 廖慧儀發圖以示個人帳戶被人入侵。

有網民留言力撐廖慧儀，指分手後騷擾家人最不當的，而一位稱是廖家姐同姓Liu的人，亦留言撐妹，直指廖慧儀前男友不斷騷擾、跟蹤父母，連基本尊重都冇。

廖慧儀傳與《#後生仔傾吓偈》孔德賢撻著

廖慧儀一向與男友Sam不時在IG放閃，表現恩愛。早前廖慧儀卻被傳與無綫節目《#後生仔傾吓偈》的孔德賢（Danny）撻著，Sam更一度嬲爆於IG上警告Danny不要再找自己的女朋友。廖慧儀當日接受訪問時只表示男友是飲醉酒，大家仍是男女朋友關係。可是當時Sam就突然於IG出post自爆被廖慧儀狠飛，更作出感情大控訴，他寫到：「同你一齊呢一年半，大大小小傷心嘅事我都陪你經歷過，喺你有低潮困難嘅時候，我從來冇離開過你身邊，而點會（解）你要咁樣對我，去報答我一年半對你嘅所有付出，我一直當你係一家人，點解要選擇因為一啲小問題而突然狠心離開我，係咪因為入咗娛樂圈，擴闊咗眼界，回頭看所有嘢覺得我甚麼都不是？」睇見都心酸！