何超蓮31歲放低「最美千金」包袱玩到癲　瞓身玩嚇親《獎門人》男嘉賓

Jan 18 2023

賀年特別版的《獎門人新春感謝祭》嘉賓陣容包括「兔兔收得隊」有何家千金何超蓮、陳瀅、王灝兒（JW）、《聲夢傳奇2》亞軍黃洛妍（Janees）及畢業生侯雋熙（Duncan）、文佐匡（Sean）、陳昊廷（Timothy），另外一隊則是「美女猛獸隊」，有余思霆、陳嘉慧、彭慧中及陳星妤（前名陳聖瑜），程浩駿及徐文浩亦會落場玩埋一份。

獎門人何超蓮新年特別版《獎門人》。 — 新年特別版《獎門人》。（圖片來源：TVB提供）

何超蓮放低千金包袱　玩遊戲搏到盡

這集美女如雲，仲有堪稱「最美千金」的何超蓮首度現身《獎門人》，開場她便興奮謂：「我自薦上嚟架，好想上嚟玩！」，在節目中放下千金包袱，零架子的何超蓮全程傾盡全力玩，亳不介意食「辣壽桃包」兼濕身之餘，還於「口噏噏」環節因錯誤解讀JW講粗口，令全場爆笑。

獎門人何超蓮超蓮玩「口噏噏」時以為JW爆粗，令佢瞬間變「天然呆」。 — 超蓮玩「口噏噏」時以為JW爆粗，令佢瞬間變「天然呆」。（圖片來源：TVB提供）

獎門人何超蓮超蓮玩得好投入。 — 超蓮玩得好投入，兩邊的《聲夢2》文佐匡（Sean）和陳昊廷（Timothy）唔識反應！（圖片來源：TVB提供）

獎門人何超蓮超蓮落力玩「坐波波」。 — 超蓮落力玩「坐波波」。（圖片來源：TVB提供）

台下接受採訪 3字回應分手傳聞

今年將踏入32歲的何超蓮也親身為與竇驍的分手傳聞解話，在錄影廠接受TVB採訪時，她心情似乎不俗，被問及感情問題雖然沒有正面回應，但就以3字「穩定嘅」笑著粉碎分手傳聞！

獎門人整蠱「聲夢仔仔」

面對「鑽石級女神」大駕光臨，在場男士也瞬間變「怕醜綿羊仔」；當進行「坐波波」環節時，負責夾實氣球的Sean與Timothy一埋位已面青，超蓮忍唔住呻：「做咩啫？！我依家好恐怖咩？」話口未完，獎門人忽然無預警衝前坐爆Sean大腿上的波，為超蓮這位VVIP作親身示範，受「重創」的Sean即嚇到魂魄唔齊，Timothy見狀亦驚到牙都震……其間，玩得投入的超蓮來回跑跑跳跳，搞到索晒氣兼大嗌「腳軟」，此時獎門人再「怒坐」Timothy向超蓮傳授秘技，場面搞笑。

獎門人何超蓮仲有獎門人親自傳授「爆波」秘技。 — 仲有獎門人親自傳授「爆波」秘技。（圖片來源：TVB提供）

獎門人何超蓮余思霆相對玩得溫和啲。 — 余思霆相對玩得溫和啲。（圖片來源：TVB提供）

獎門人何超蓮 Sean直頭大聲慘叫！ — Sean直頭大聲慘叫！（圖片來源：TVB提供）

獎門人何超蓮 JW呢招「魚躍龍門」飛跳爆波嚇到Duncan面容扭曲。 — JW呢招「魚躍龍門」飛跳爆波嚇到Duncan面容扭曲。（圖片來源：TVB提供）

JW兩連開口中變忌廉「雪人」

望落嬌滴滴的JW則施展「魚躍龍門」雙腳離地彈跳坐爆波，衝擊力之勁令Sean和Duncan面容扭曲恍如受刑，前者見JW飛撲埋嚟一刻更恐懼得大聲慘叫！身高1.56米的JW又遭獎老們連環攻擊，先是於「排排坐」期間被阿Lo暗寸：「有個別嘉賓企喺度，我又唔覺企喺度。」之後玩「開口中」時，JW向獎門人報寸被程浩駿從後偷襲掟Cream，怎料獲批准還擊的她再被「高人」程浩駿嘲諷：「你夠唔夠高架？」激到JW怒「抆」Cream報仇。