王君馨終獲受訪講《超能使者》「啲戲好盡」 後悔「韋小姐」演繹有缺失

王君馨話中有話 疑暗寸其他演員做得誇

去年離巢的王君馨一直缺席《超能使者》的宣傳活動，直到最近出席活動才罕有提起《超能使者》一劇。不少觀眾都大讚王君馨在劇中演技大爆發，將臥底黑幫成員韋小姐一角入型入格、深不可測。她謙虛指自己的演出方法比較低調，演技不及同劇演員：「大家啲戲都好盡啊，咁就覺得自己啲演技唔夠火喉」，疑似想暗寸其他演員做得誇。

後悔「韋小姐」不夠兇狠

不過Grace又補充說，拍檔沈震軒有讚她「Under又幾好」，現在回看，王君馨對於演出「韋小姐」一角是否可以再囂張一點、再暴力一點，地自己仍心存疑問，最後出來的效果略為柔情，作為離巢作，也是是告一段落。

王君馨新作拍甄子丹賀歲片

王君馨亦有在訪問中提及自己新作係拍電影，將會出演甄子丹自導自演嘅賀歲片《天龍八部之喬峰傳》。雖然主持有問到有關戲中角色，但她非常口密，話甄子丹唔俾自己透漏任何細節。王君馨亦曾經於去年在社交網站發布了自己在橫店影視城身着「喬峰傳」T恤的照片，之後表示自己將加入本片演員陣容，但不會是女主角。

Grace過往幾次演出都難逃角色死亡嘅結局，不過今次《超能使者》佢就認為結局非常感人喇，至於之後其他作品會唔會有望脫離咁苦情嘅命運，佢就封嘴話完全唔可以透露，大家就可能要好好留意佢參與 甄子丹 嘅作品《天龍八部》喇。

專注音樂做歌手 與陳凱詠合照表心意

近年涉足音樂嘅Grace除咗拍戲之外，籌備兩年嘅新歌亦都即將推出，當中嘅MV仲斥鉅資拍攝，又因為當中嘅CG特效花咗工作人員好多時間同精神製作，所以Grace就話之後大家記得要多啲搵佢做嘢先有錢再出新歌呀。