甄子丹愛女甄濟如演出表情管理捱批 網民落力平反兼指撞樣韓國人氣女星
廣告
甄子丹21歲愛女甄濟如（Jasmine）2023年宣布以歌手身分出道，就讀美國伯克利音樂學院（Berklee College of Music）嘅甄濟如更先後推出唔少歌曲。近日甄濟如就首次到內地出席音樂派對擔任表演嘉賓，不過Jasmine當日嘅表演就被唔少網民狠批外型同表情管理都出曬事……
甄濟如表演表情加外型連環捱批
甄濟如日前出席音樂派對擔任表演嘉賓，不過其跳唱表演就引來唔少網民連環狠批，除咗指甄濟如嘅身材唔掂之外，更指佢跳舞時嘅表情管理「炒曬車」：「佢跳舞係一吓一吓chok出嚟，好似佢老竇打功夫咁」、「做乜瞪大對眼」、「嘩，對眼夾硬睜大，好似有啲肥！跳舞……」、「廿歲女就咁大媽feel，點算啊」、「啲表情做乜X？」
甄濟如被指撞樣韓國人氣女星
不過甄濟如亦被指撞樣韓國人氣女星李泳知：「似李泳知樣， 唔似才藝， 唔係好事。 我第一眼真係以為是李泳知」、「確實李泳知係好有style」、「泳知又唱得又跳得，冇得比較啦」、「真心以為李泳知，啲表情完全神同步」、「可能佢就係睇李泳知大」。
網民力數2點落力平反
雖然唔少網民都留言狠批甄濟如嘅表演出曬事，但係就有人力數2點落力為佢平反：「佢嘅高度同身材係你班侏儒永遠都恨唔到，香港演藝圈個個都未發育咁，連米八都無嘅呂慧儀都夠膽死叫長腳蟹，佢呢啲先叫正常，而且讀得Berklee佢嘅音樂造詣都唔洗俾一般人評啦下話。」直言甄濟如其實並非如網民所指咁差！
