盤點 明登戀

2024年娛樂圈10大事件 「明登戀」超轟動《破·地獄》票房創歷史！

娛樂
Kiss

廣告

2024年已經踏入尾聲，回顧今年嘅娛樂圈，除咗年尾有多位藝人宣布有喜外，其實全年都有唔少事件發生！在即將邁進2025年之際，以下將會為大家整理2024年嘅10大娛樂事件，睇吓大家記得嘅有冇上榜啦！

2024年娛樂圈10大事件 「明登戀」超轟動《破·地獄》票房創歷史目錄

多位女藝人宣布陀B

麥明詩、賴慰玲、黃翠如及何依婷都宣布懷孕，當中黃翠如亦有分享克服前年流產後重新出發的悲與喜，而最近新劇開播的賴慰玲更是懷有第二胎囝囝，早前出席活動時笑言帶定「走佬袋」開工準備隨時生B！

盤點 明登戀 賴慰玲第二胎都係仔，她笑指大仔已經好成熟像大人（大仔Marat在2017年出世），不用擔心要照顧兩個小朋友的壓力。（圖片來源：賴慰玲IG）
賴慰玲第二胎都係仔，她笑指大仔已經好成熟像大人（大仔Marat在2017年出世），不用擔心要照顧兩個小朋友的壓力。（圖片來源：賴慰玲IG）
盤點 明登戀 麥明詩仲曬出與剛宣布懷孕嘅何依婷的合照，不過就被網民指面腫腫，拍住何依婷合照簡直係被完美處刑。（圖片來源：ig@louisa_mak）
麥明詩仲曬出與剛宣布懷孕嘅何依婷的合照，不過就被網民指面腫腫，拍住何依婷合照簡直係被完美處刑。（圖片來源：ig@louisa_mak）

呂爵安林明禎「明登戀」超轟動

MIRROR27歲成員Edan呂爵安8月被爆出與「大馬女神」林明禎歐遊食飯，隨後於9月突然公開承認與林明禎了解中，引起大批fans熱議！雖然2人都拒認已經一齊，不過上月就再被網民影到2人於台灣夜市「拍拖」的照片，搞到雙雙被網民狠批掛住拍拖唔顧事業！

盤點 明登戀 Edan突然在社交平台公開「護花」兼承認追林明禎，引起唔少網民熱議！（圖片來源：Threads@edanlui）
Edan突然在社交平台公開「護花」兼承認追林明禎，引起唔少網民熱議！（圖片來源：Threads@edanlui）
盤點 明登戀 有網民拍了幾張疑似是Edan與林明禎背影的照片，2人位置台灣的夜市，男方更搭住女方的膊頭（圖片來源：threads＠lokjai0829）
有網民拍了幾張疑似是Edan與林明禎背影的照片，2人位置台灣的夜市，男方更搭住女方的膊頭（圖片來源：threads＠lokjai0829）
盤點 明登戀 （圖片來源：ig@edanlui、ig@minchen333）
（圖片來源：ig@edanlui、ig@minchen333）

《破·地獄》成歷來最短時間破1億香港電影

電影《破·地獄》於上月底錄得香港及澳門累積票房達一億嘅佳績，電影僅上映短短二十日就破億更榮登香港史上華語電影最高票房第一。《破·地獄》中飾演郭文玥嘅衛詩雅更勇奪亞太影后，電影於今日（31日），更傳來在第16屆澳門國際電影節金蓮花獎勇奪最佳導演、最佳男主角以及最佳女主角三項大獎！

盤點 明登戀 《破·地獄》喜獲第16屆澳門國際電影節金蓮花獎3項大獎: 最佳導演 —陳茂賢、最佳男主角 — 黃子華 、最佳女主角 — 衛詩雅 （圖片來源：衛詩雅IG）
《破·地獄》喜獲第16屆澳門國際電影節金蓮花獎3項大獎: 最佳導演 —陳茂賢、最佳男主角 — 黃子華 、最佳女主角 — 衛詩雅 （圖片來源：衛詩雅IG）
盤點 明登戀 截止本月29日，《破·地獄》嘅票房已經衝破1億5000萬（港澳）！而導演早前亦透露電影嘅加長版將於不日推出。（圖片來源：ig@thelastdancemoviehk）
截止本月29日，《破·地獄》嘅票房已經衝破1億5000萬（港澳）！而導演早前亦透露電影嘅加長版將於不日推出。（圖片來源：ig@thelastdancemoviehk）
盤點 明登戀 衛詩雅更憑住電影勇奪亞太影后！（圖片來源：ig@michellewsn）
衛詩雅更憑住電影勇奪亞太影后！（圖片來源：ig@michellewsn）

何太何伯製造話題阮兆祥爆笑模仿

76歲何伯和43歲「新何太」於今年5月在《東張西望》嘅訪問一出，隨即成為網民熱議嘅話題。何太更連環「出招」搏關注，唔單止推收費式fans群組，更在直播中喪鬧老公何伯以及大爆房事等，keep住引起網民關注！

盤點 明登戀 女主持連環追問新何太到處「釣魚」一事，何伯就話何太都有叫自己介紹男人認識，但何伯當時就反而主動要對方做自己老婆。（圖片來源：TVB）
女主持連環追問新何太到處「釣魚」一事，何伯就話何太都有叫自己介紹男人認識，但何伯當時就反而主動要對方做自己老婆。（圖片來源：TVB）
盤點 明登戀 連何太嘅抖音影片都照樣惡搞！（圖片來源：TVB）
連何太嘅抖音影片都照樣惡搞！（圖片來源：TVB）

鄭中基戒酒、何慶湘重新出發

52歲鄭中基於8月突然在社交媒體上發表驚人聲明，宣布：「由於發現何慶湘工作及道德操守有問題，本人與機動娛樂立即終止合作，有關工作交接問題會另作安排。」引來網民諸多揣測！雖然隨後就表示係因為抑鬱及酗酒等問題而停工，但係就引來唔少網民猜測真相係因為「偷食」經理人被老婆發現！來到2024年尾，鄭中基已跟老婆赴美戒酒，而何慶湘亦在友人IG中蒲頭，似乎已有新的工作重新出發。

盤點 明登戀 有網民猜測鄭中基被發現偷食湘姐，引來大婆發難。（圖片來源：ig＠sheung_sheung_sheung）
有網民猜測鄭中基被發現偷食湘姐，引來大婆發難。（圖片來源：ig＠sheung_sheung_sheung）
盤點 明登戀 鄭中基發表長文回應事件，不過內容由始至終都冇講到經理人衰咩，只將重點提到自身健康嘅聲明。（圖片來源：鄭中基FB）
鄭中基發表長文回應事件，不過內容由始至終都冇講到經理人衰咩，只將重點提到自身健康嘅聲明。（圖片來源：鄭中基FB）

郭晉安宣布變單身 公司上市做非執董

60歲郭晉安於今年5月宣布與結婚18年嘅歐倩怡離婚，雖然2人在社交平台嘅帖文睇落和平，但係歐倩怡離婚後於《絲打圍爐》訪問嘅訪問中，大爆自己在2019年細菌感染全身發炎，某一晚凌晨更一度透唔到氣，甚至搞到失禁。歐倩怡表示當時不停拍身旁的郭晉安，但郭晉安初時並沒有理會：「我不斷拍我身邊嗰個，我同佢講我透唔到氣，跟住佢就話你唔好玩啦，訓啦。跟住佢就見到我真係唔對路，就開始起身，幫我Google。」

盤點 明登戀 郭晉安與歐倩怡過往給人印象夫妻關係融洽，不時帶一對子女重返結婚場地迪士尼樂園曬恩愛。（圖片來源：新傳媒照片庫）
郭晉安與歐倩怡過往給人印象夫妻關係融洽，不時帶一對子女重返結婚場地迪士尼樂園曬恩愛。（圖片來源：新傳媒照片庫）
盤點 明登戀 歐倩怡勸女性唔好讀太多書，否則會嚇親男士。（圖片來源：YouTube@ChillGOOD TV）
歐倩怡勸女性唔好讀太多書，否則會嚇親男士。（圖片來源：YouTube@ChillGOOD TV）

Babyface自信發言兼表示力追「東張女神」梁敏巧

TVB於10月播出嘅節目《呃錢》中，有一名自稱有「Babyface」的黃先生因其超自信發言引起網民關注，更一度獲網民封為Babyface哥。Babyface在節目播出後，突然在社交平台揚言要在30日內追到在節目中訪問自己嘅「東張女神」梁敏巧，更曾帶同鮮花加戒指「逼婚」梁敏巧，最後慘是檸檬兼宣布放棄對方。

盤點 明登戀 苦主黃先生講到對女性外貌有少少要求，梁敏巧就問：「咁係啲咩要求呢？」黃先生即刻口花花咁講：「好似主持人咁靚囉！」（圖片來源：TVB）
苦主黃先生講到對女性外貌有少少要求，梁敏巧就問：「咁係啲咩要求呢？」黃先生即刻口花花咁講：「好似主持人咁靚囉！」（圖片來源：TVB）
盤點 明登戀 梁敏巧即刻勁怕醜：「唔可以咁樣講㗎」（圖片來源：TVB）
梁敏巧即刻勁怕醜：「唔可以咁樣講㗎」（圖片來源：TVB）

李龍基女友王青霞情比金堅

74歲李龍基的未婚妻王青霞Chirs，今年因涉嫌使用虛假文件及作出虛假陳述等罪行，於6月時被正式起訴兼判處25個月的刑期，令「愛妻號」李龍基淚灑當場。等待女友出獄嘅李龍基近月keep住開工，本月出席活動時更因睇見未婚妻親手整畀自己嘅泥公仔一度睹物思人報喊，要同場嘅馬國明上前安慰！

盤點 明登戀 李龍基與女友感情甚好，在庭上聽審時更3度激動落淚。（圖片來源：IG@chrisart1017）
李龍基與女友感情甚好，在庭上聽審時更3度激動落淚。（圖片來源：IG@chrisart1017）
盤點 明登戀 李龍基睇見未婚妻親手整畀自己嘅泥公仔時更一度睹物思人淚灑當場，要馬國明上前安慰！（圖片來源：大會提供）
李龍基睇見未婚妻親手整畀自己嘅泥公仔時更一度睹物思人淚灑當場，要馬國明上前安慰！（圖片來源：大會提供）

龍婷丘亞葵Hello Kiss後不受影響解凍復出

43歲龍婷參加TVB歌唱選秀節目《中年好聲音》獲第4名後人氣急升，不過龍婷就於7月時被傳媒拍到她在尖沙咀結束活動後，與65歲的丘亞葵一同乘坐男方座駕睇戲食飯，龍婷更被影到拍打丘亞葵的屁股，情到濃時還在車內熱吻，場面相當甜蜜。不過丘亞葵就介紹2人見面只係為傾演唱會，又指拍Pat只係角度問題，所謂激咀則是朋友式的Hello Kiss，只錫了一啖面。他已和老婆解釋清楚，之後與龍婷會同之前一樣，只限工作上見面。

盤點 明登戀 丘亞葵的Facebook中有不少與龍婷的合照。（圖片來源：FB@Vigo Yau ）
丘亞葵的Facebook中有不少與龍婷的合照。（圖片來源：FB@Vigo Yau ）

Frankie@MIRROR愛得高調 女友連環被爆料不離不棄

36歲MIRROR成員Frankie陳瑞輝2023年為宣布與圈外人拍拖，但其女友就於今年6月在社交平台高調現身。不過有網民火速將Christy起底，更連環爆出Christy疑似同時周旋於Frankie以及AK之間，以及一連串大膽發言，令Frankie連帶陷入脱粉潮，就連MIRROR經理人黃慧君（花姐）都在社交平台疑似出story暗串Christy……

盤點 明登戀 Frankie女友Christy今年6月在社交平台高調現身。（圖片來源：討論區截圖）
Frankie女友Christy今年6月在社交平台高調現身。（圖片來源：討論區截圖）
盤點 明登戀 有fans在社交平台發文感謝新皮嫂，竟然成功令本尊回覆。（圖片來源：Threads@frankie729）
有fans在社交平台發文感謝新皮嫂，竟然成功令本尊回覆。（圖片來源：Threads@frankie729）
盤點 明登戀 花姐在Frankie女友事件爆出後，於社交平台更新一張燒雞圖，並配文：「好食，但難handle，我嘅性格會選擇唔食」，被指係指串Christy。（圖片來源：IG@ahfa0908）
花姐在Frankie女友事件爆出後，於社交平台更新一張燒雞圖，並配文：「好食，但難handle，我嘅性格會選擇唔食」，被指係指串Christy。（圖片來源：IG@ahfa0908）

回到目錄

撰文：東方新地圖片來源：Threads@edanlui、ig@edanlui、ig@minchen333、ig@thelastdancemoviehk、ig@michellewsn、大會提供、TVB、ig＠sheung_sheung_sheung、鄭中基FB、ig@onjai109、新傳媒照片庫、YouTube@ChillGOOD TV、IG@chrisart1017、TVB 娛樂新聞台、FB@Vigo Yau、小紅書截圖、討論區截圖、Threads@frankie729、IG@ahfa0908資料或影片來源：原文刊於東方新地

熱門文章

最新文章

廣告
按此打電話