破地獄加長版幾時上映？ 新劇情曝光線上看「蓮姐」金燕玲、谷德昭悲情戲份
破地獄加長版幾時上映目錄
破·地獄加長版｜「蓮姐」金燕玲老伴離世感自責
Charles因工作關係喺電影上畫前睇過唔同版本，佢指金燕玲所演嘅蓮姐喺佢睇嘅版本係出場時間多少少，佢表示戲入面唔係交代好多蓮姐嘅背景資料，淨係知佢守住一間小店，文玥（衛詩雅飾）會經常去飲湯、宣洩壓力，並當蓮姐係佢家人，甚至係媽媽。
注意劇透：加場版蓮姐角色背景描寫更立體！
Charles透露相關劇情細節：「蓮姐係有同黃子華所演嘅道生去傾訴身世，其實蓮姐原本係有一個老伴，佢呢間小店得來不易，由小販檔開始捱起，兩老捱到有一間舖頭仔。蓮姐嘅老公好鍾意飲湯，戲裏面有個鏡頭講佢嘅老伴飲緊雞腳湯。但老伴去咗邊？就係喺蓮姐同道生傾訴心事時講咗出嚟，就係原來有一年過年前，蓮姐老公身體唔舒服，蓮姐就叫老公入醫院檢查，咁冇乜事嘅，檢查完出嚟我煲定湯等你，但就係呢一次，老伴就喺醫院出唔返嚟。」
Charles分析，蓮姐係有少少怪責自己，覺得老伴過身係自己有責任，而道生就用生死有命呢個課題去安慰蓮姐。佢提到：「鏡頭係講老伴飲緊雞腳湯，但鏡頭一轉，我睇嘅版本係只剩返碗湯喺檯面。」Charles覺得睇呢一幕係好touching，希望蓮姐同道生呢一幕可以公諸於世！
《破.地獄》加長版上映日期惹熱議 或變「賀歲片」撼古天樂王晶葉念琛？！
《破.地獄》陳茂賢12月初從馬來西亞凱旋回港見傳媒時曾透露，正著手製作加長版的剪輯，當時未有提及加長版何時送檢，因此有觀眾推測電影或要在2025年1月尾、臨近農曆年檔期才能正式上映，由於電影公司尚未公布詳情，難免引起各種猜測。
傳年初一上《破.地獄》加長版 網民態度正面： 「百無禁忌！」
對於農曆年上映《破.地獄》，不少網民都抱開放態度，與電影中結局的主題一樣，選擇打破傳統放下執著「即使過年期間，一樣每日都有人生，有人死，太陽依舊日出日落，不必介懷」、「唔好咁迷信！介意嘅人咪過咗新十五先睇囉」、「以前做過護老院HW 嘅經驗睇到同埋聽醫院講！ 其實除咗七月， 農曆新年前基本上都係最多長者走， 家人的確需要釋懷！ 所以新年上映 再破地獄都未嘗不可！」、「如果要避諱 禁直情成套都唔應該拍 睇開啲」、「即使過年期間，一樣每日都有人生，有人死，太陽依舊日出日落，不必介懷」
破.地獄 「加長版」賀票房破億創紀錄 10大彩蛋片長近3小時、隱藏角色曝光
破·地獄加長版｜谷德昭戲份1原因無奈全剪
戲中講到志斌（朱栢康飾）想仔仔順利入讀某小學，其中一個方法就係受洗信教。至於谷德昭喺戲中演該校小學校董，佢係道生（黃子華飾）嘅朋友。道生就話如果志斌唔幫佢甄茵（韋羅莎飾）嘅生意，佢就會將呢件事爆畀文哥（許冠文飾）聽！道生的確有搵校董幫手，校董教志斌買學校推出嘅債券或者要仔仔受洗信教，但呢一場戲最終被刪剪。Charles指聽聞因內容同志斌太太所講嘅相若，如再加呢一場戲會令電影比較長，所以就被刪去！
破地獄加長版農曆新年上畫？！年初一破地獄祖師爺點睇？
導演曾透露風聲，提及加長版內容及片長資訊，但上映日期一直未有落實，近日有消息指，電影或於2025年農曆年檔期上畫，變成「另類賀歲片」。
