破毒強人｜何廣沛為角色學足半年手語 與郭柏妍獲封新一代「君好+初哥哥」

破毒強人｜何廣沛為角色學足半年手語

何廣沛為是次角色學足半年手語，獲讚樣子純良又靚仔，是飾演徐安樂不二之選，網民更指他演技一套比一套好：「佢表情細緻位一向處理得好好，就連講嘢都會因應唔同角色而有分別，唔單止聲線同語調，連肢體動作都個個唔同」。

破毒強人｜何廣沛與郭柏妍獲封新一代「君好+初哥哥」

網民對「廣柏 CP」亦甚為受落，大讚二人互動甚有粉紅氣泡，更封二人新一代「君好+初哥哥」，今晚（9 日）一集，「廣柏」將有一場勁青春的天台談情戲。之前一場安樂因遇突發事故遲到、令阿 Wing 未能欣賞偶像陳奕迅演唱會，傻更更的安樂為了補償，在演唱會門口以手語唱出《明年今日》，阿 Wing 雖笑指他走音，但卻藏不住冧爆樣。

破毒強人｜何廣沛與郭柏妍以「魔音＋手語版」《明年今日》「重現」相關浪漫場口

該幕獲網民大讚浪漫，無綫社交網亦抓緊時機，找來二人以「魔音＋手語版」《明年今日》「重現」相關浪漫場口。片段所見，廣沛像安樂一樣滿臉誠懇又帶點哀怨地以手語唱出「明年今日，別了你一年…」等歌詞；而以魔音見稱的郭柏妍，獻唱時投入之餘亦做足手勢，刻意襯番安樂。談到與廣沛合作，郭柏妍透露勁考集中力兼搞笑：「我同廣沛好多對手戲佢都係做手語，因為我個角色 Suppose 要明白佢嘅手語，所以拍攝時我更加要留心佢啲對白，否則好容易會甩咗、或者以為佢做完（手語）但原來未做完，變咗有好多搞笑嘅地方。」郭柏妍還感激廣沛謂：「佢好好，有時會特登重複做啲手語畀我睇，等我記到佢啲對白。」

何廣沛與郭柏妍港姐同台片段

另無綫社交網亦甚有心思翻出了何廣沛與郭柏妍2020年在港姐同台片段，當時廣沛與張振朗、胡鴻鈞及馬貫東主持問答環節，一心投選郭柏妍的廣沛問女方將來若有機會選他們其中一人合作會選誰，郭柏妍即衝口而出指是胡鴻鈞，更表示自己是《降魔的》fans，令廣沛氣上心頭，場面經典又搞笑。

來郭柏妍當日參選港姐嘅時候，曾經拒絕揀同何廣沛拍劇，令對方大為激動，仲記恨到而家添。