碧咸疑棒打鴛鴦 反對大仔同女朋友來往
廣告
「萬人迷」碧咸（David Beckham）一家一直都備受矚目，其大仔Brooklyn早前同嘉兒莫蕊茲（Chloe Moretz）分手，立即撻著兒新女友Hana Cross。碧咸大仔一早帶女朋友見家長，一早就入哂屋。不過，近日就傳出碧咸「棒打鴛鴦」嘅消息，更指碧咸希望Brooklyn可投放多啲時間去專注學業同家庭方面。
撰文：Kammy | 圖片來源：Brooklyn Beckham@Instagram，Hana Cross@Instagram
碧咸疑棒打鴛鴦 反對大仔同女朋友來往
英國「萬人迷」碧咸同太太Victoria呢對恩愛夫妻一直都受外界關注，就連佢哋嘅仔女都係受矚目嘅星二代，深受網民喜愛，每逢過時過節都會見到佢哋一家嘅集體現身的溫馨場面。對於仔女嘅感情事，碧咸同太太一直都保持開放態度，但最近就有消息指，碧咸開始介入大仔同Hana Cross嘅戀情，仲力勸大仔同對方分手。
消息指，碧咸對Brooklyn同Hana愛得愈嚟愈高調而開始有啲微言，加上Brooklyn同女朋友不時都鬧交，特別係早前二人出席康城影展時，被傳媒拍到佢哋當街激動爭吵，令到碧咸對Brooklyn同女朋友嘅發展開始有啲反感。
另外，消息指，由於Brooklyn同女朋友嘅關係十分反覆，Brooklyn更因此而情緒低落，令碧咸同Victoria擔心不已。消息人士透露，碧咸想大仔認真諗下會唔會同Hana有將來，叫佢唔好因為拍拖而荒廢學業，又叫Brooklyn暫時唔好同對方成日見面同唔好再叫Hana出席佢哋嘅家庭聚會。
Brooklyn早前同Chloe Moretz分手後，就立即撻著新女友Hana，二人更一直愛得高調。呢日時裝騷Brooklyn仲拉埋女友同爸爸碧咸一齊影相！有消息指，Brooklyn歷任女友中只有Hana有呢個待遇！
新女友同媽媽勁似樣
有網民發現呢位新任女友同Victoria有幾分神似，事源Brooklyn幫女友影相「放閃」，有網民發現呢張黑白相，不論外形、角度都勁似阿媽Victoria，「OMG，我以為係你媽媽」、「點解你女友咁似阿媽嘅？」，你哋又覺得似唔似呢？
