萬千星輝頒獎典禮2024紅地氈盤點｜王敏奕可愛粉紅晚裝力壓花旦性感誘惑

「家嫂」王敏奕粉紅晚裝獲最佳衣著獎興奮大叫「老爺」

王敏奕今晚獲得「最佳衣著女藝人」，王敏奕得悉自己得獎後表現驚訝，在獲得獎項後更興奮表示「其實我頭先唔係著呢條裙，哈哈！哇我攞獎喇！」之後仲興奮大叫「老爺！」搞到全場嚇到O曬嘴！王敏奕見到現場反應之後先話「宜家唔係電視live㗎嘛？」其他藝員即刻開口提正在Live緊，家嫂聽到之後即刻嚇親，然後秒變害羞樣，連聲道歉，場面超爆笑。

王敏奕紅地氈真正造型：仙氣玫瑰花群擺

其實當晚王敏奕是以以粉紅超大禮服現身，雖然服裝冇行性感風，但係王敏奕嘅靚樣就已經獲大批網民力讚夠曬殺食，其後她在IG更分享了多張自己拍攝的晚裝靚相！

「女飛躍」陳曉華真空上陣狂騷fit爆身材

陳曉華今晚嘅服裝就可謂十分搶fo，皆因陳曉華嘅禮服除咗有高衩設計之外，真空上陣嘅Hera仲大方騷腰側嘅透視設計，性感程度爆燈！在訪問過程中陳曉華不斷強調希望可以得到最佳衣著，雖然最後落空，就有憑過去一年演出得到「女飛躍」獎座！

陳自瑤谷胸騷腿超吸睛

獲提名視后嘅陳自瑤今晚以黑色低胸高衩禮服現身，Yoyo今晚更大騷fit爆身材嘅本錢，谷胸上陣之餘仲大方曬出長腿！

楊卓娜側身「胸狠」程度爆燈

獲提名最佳女配角嘅楊卓娜今晚就超華麗登場，而且簽名時側身嘅畫面更係極度「胸狠」，睇到大家都忍唔住留言大讚超有料！

曾文心緊身禮服騷纖腰

同樣獲提名新人獎嘅曾文心今日就以黑色緊身禮服登場，憑《反黑英雄》成功打開知名度嘅曾文心就收起劇中嘅招牌長腿，但係超貼身禮服就將佢嘅纖腰完美展現，十分吸睛！

3大東張女神鬥震撼登場

《東張西望》向來有唔少東張女神備受觀眾喜愛，今日吳幸美、梁敏巧及李旻芳就齊齊現身紅地毯，一登場就震撼唔少觀眾！而吳幸美同梁敏巧更係大騷事業線，不過同樣身材出眾嘅李旻芳就收起性感，以低調型格風示人，獲網民留言大讚！

何泳芍大Deep V爆笑稱娛樂大家

憑《港女野人》成功入屋嘅何泳芍（Honey）向來身材出眾，今日Honey就以超Deep V禮服登場，大騷事業線令唔少網民直言眼前一亮！不過何泳芍今日就搞笑表示係「嚟娛樂大家 」，似乎對獎項抱佛系心態！

陳懿德騷超長事業線超搶fo

獲提名女飛躍嘅陳懿德今晚以白色低胸禮服現身紅地毯，除咗騷迷人肩頸線之外，仲大方騷埋超長事業線，搶fo程度爆燈！

關嘉敏賣大包倒奶拎筆

今年人氣急升嘅關嘉敏就以金色禮服現身，大騷事業線上陣勁搶fo。而且關嘉敏簽完名後仲倒奶還筆，賣大包畫面獲唔少網民直言超識做！

陳楨枱劉穎鏇高衩上陣鬥騷腿

作為TVB2大高妹，陳楨枱與劉穎鏇今日就分別以黑色吊帶露背禮服，以及紅色露腰禮服登場，2大女神狂騷逆天長腿睇到唔少觀眾都直言勁養眼！

戴祖儀後台福利夠震撼

近年不時被指身材「大升cup」嘅戴祖儀雖然行紅地毯時睇落冇乜特別，但係戴祖儀一返到後台就大派福利，獲網民大贊十分識做！

萬千星輝頒獎典禮2024｜紅地氈直擊：

紅地氈時間是1月19日下午5:30地點位於澳門上葡京， 以下頻道將直播 TVB官方頒獎禮前實況：

1. TVB Facebook｜直播連結按此
2. TVB YouTube 頻道｜直播紅地氈實況｜直播按此訂閱接收通知
3. TVB 娛樂新聞台｜直播連結

萬千星輝頒獎典禮2024 全程TVB直播及YouTube重溫連結：

1. 翡翠台 81台｜直播連結
2. 香港及澳門觀眾 myTV SUPER｜直播連結
3. 海外觀眾 TVB Anywhere ｜直播連結
4. 內地觀眾 「埋堆堆」APP｜抖音連結
5. YouTube 現場獎項即時轉播連結：TVB官方頻道｜TVB 娛樂新聞台｜ 《東張西望》東張＋｜ TVB綜藝

另外上述頻道會無間斷式報導頒獎典禮即時資訊

萬千星輝頒獎典禮2024｜ 提名得獎名單更新5強入圍 視帝視后10強/劇集 直播線上看

甄子丹驚喜現身做頒獎嘉賓 原來同TVB早有淵源 仲有2組嘉賓最難估？

萬千星輝頒獎典禮2024｜最佳男新人5大名單超驚喜 38歲譚輝智都有份

萬千星輝頒獎典禮2024｜女配角5強 楊卓娜大熱門成功有望
回到目錄