網民狠批《愛回家》5大棄劇原因 灰爆指個「家」經常唔齊人!
第一點:TVB多位演員離巢 個「家」經常唔齊人
首先網民指出《愛回家》似乎因為TVB多位人才宣布離巢的關係,而令到個「家」經常唔齊人,重要角色離開,熊家和龍家的核心成員的減少,第二加許多新人以及一些不討好的演員下去硬捧,令《愛回家》更不討好。
![愛回家 《愛回家》多位成員要「離家出走」(圖片來源:《愛.回家之開心速遞》)](https://imgs.orientalsunday.hk/wp-content/uploads/2024/06/photo_6302790767042740961_y_15057372666f9de17103a.jpg)
第二點:新人角色不討好、加入分薄劇情
「自從集集都見到個膠面攝石人就冇睇,三姨同細龍生都走埋仲邊到係愛回家」「仲格硬加隻楊明落去完全唔match 每次見到有佢就打機算」「愛回家啲演員換咗一半咁濟, 咁重係唔係愛回家?」有網民更建議《愛回家》不如完結「愛回家但成家永遠都唔會齊人,個個都quit倒不如喺最高峰時完咗佢,唔通等成家散哂個陣先完咩」
![愛回家 最近一集熊家食飯戲,租客加上莊思明入主,熊家三個女剩返呂慧儀,已經不再是原本的家庭戲!(圖片來源:TVB)](https://imgs.sundaykiss.com/wp-content/uploads/2024/06/vs-youtube-2307tvb-001_44239248366705996053a8.jpg)
第三點:劇情無聊只懂抽水 無晒「愛」的表現!
第三,有網民認為現時《愛回家》劇情只懂抽水,要不荒謬之極,要不就走回老套輪迴套路,龍家兄弟姊妹互相傷害以及增加了家庭和朋友間的矛盾和爭鬥等,缺乏了「愛」的表現,「大學線」的消失都讓人感到遺憾。這種改變讓一部分觀眾感到《愛回家》已經變質,不再是他們熟悉和喜愛的那個家庭故事。
「以家集集都玩胡鬧 無哂以前初初愛回家個D單元故事」「成套野無論喺熊家定龍家都完全感覺唔到愛,啲劇情又無聊,完全唔想愛回家返屋企睇呢套嘢」
![愛回家 龍家兄弟姊妹互相傷害「細龍生」同「大小姐」經常鬥來鬥去。(圖片來源:TVB)](https://imgs.orientalsunday.hk/wp-content/uploads/2023/11/01_12252883776566ca9821aa5.jpg)
第四點:聲浪大 =好演技 ?
有觀眾又指餘下的女角聲浪太大: 若水:好嘈、三太:好嘈、大小姐:好嘈,當中三太係嘈得嚟討喜、大小姐都多有趣、唯獨若水嘈仲要完美演繹「中年港女」,惡頂!
「成個屋企三日唔埋兩日又嘈交,同之前第一代套愛回家真係爭好遠」「仲有套嘢熊家班人做咗啲好似好溫馨嘅嘢,點知原來背後又係有原因/陰謀,呢下真係好恐怖,完全feel唔到愛,真係教壞細路」
![愛回家 早前端午節出埋穿越救屈原的故事(圖片來源:《愛.回家之開心速遞》)](https://imgs.nmplus.hk/wp-content/uploads/2024/06/vs-youtube-2303tvb-624_1467847888666f475662eba.jpg)
第五點:播放時間縮減,奧運停三星期
雖然好多觀眾唔Buy,但每次有時間變動又成為了熱話,今年初為了讓路《亞洲超星團》由一周七天改為六天,引起不少粉絲不滿,其實目前《愛回家 》作為三線劇集仍是最高收視劇集,不過無綫為了7月巴黎奧運,決定停播三線劇集包括《愛回家》,令到不少觀眾感不滿。
有網民力撐《愛回家》係TVB最好看的劇集
不過亦有網民力撐TVB最好看的劇集就是《愛回家》,亦指仲有大把觀眾「成個Tvb 最好睇係愛回家」「名黎既姐 班師奶都係日日坐定定睇」「其實咁多人走的情況吓都算完整斬得幾好」「講真無人會通過愛回家,想感受到家庭既溫暖吧 講真編劇唔差啊,有陣又抽水」
![愛回家 有網民力撐《愛回家》係TVB最好看的劇集(圖片來源:《愛.回家之開心速遞》)](https://imgs.nmplus.hk/wp-content/uploads/2024/06/topbanner_loandbehold2020b_369347593666f47a1536b1.jpeg)