羅子溢攬住老婆楊茜堯澳門街頭錫錫《婚後事》太多激情戲份要「補鑊」

羅子溢楊茜堯街頭錫錫

羅子溢與視后老婆楊茜堯手拖手甜蜜行街，全程笑容燦爛，還公然又攬又錫，雖然有大批市民圍觀，但他們卻目無旁人一樣，沉浸在似乎只有他們兩個人的世界裡，簡直羨煞旁人！不過，不知子溢是否為《婚後事》中太多的激情戲份「補鑊」，特意相約老婆去澳門旅行呢？

為劉嘉玲節目擔任嘉賓

原來，仔細看就會發現兩公婆胸前都掛著個咪，其實他們是為劉嘉玲主持的節目擔任嘉賓！子溢與茜堯在嘉玲的陪伴下一起去了澳門的著名街頭購物、尋美食，玩得非常開心！

子溢與茜堯因合作劇集《OnCall36小時》結緣，於2016年結婚後育有一對子女，一家四口溫馨幸福，而茜堯在婚後更大幅減產幕前工作，專心養家，直至去年底才回歸無綫參與新劇《黑色月光》的拍攝，並逐漸開始接洽不同的演出工作。這次是兩公婆首次合體亮相綜藝，實在令人期待！

羅子溢夫婦同屬處女座 揭太太楊茜堯真面目 靠8字維繫婚姻

羅子溢主演的大熱劇集《婚後事》自播映以來都好評如潮，現實中的他絕對是一名好丈夫、好爸爸。羅子溢曾接受本報專訪，透露已與楊茜堯經歷八年的婚姻關係，更大談夫妻相處之道及老婆私下的真面目。

羅子溢 一放假即撲返港

羅子溢近兩年在內地拍戲，成日要兩地飛，問到佢哋有幾多時間見面？羅子溢話：「依家我會覺得我嘅休息時間係唔重要，我喺大陸拍戲，今日唔知聽日事，未必知聽日係返工定放假，好多時我一知道放假，就即刻訂機票，未天光我已經返到香港，十二點派通告話連放三日，我五點已經返到香港，哈哈！幾趕呀！老婆未瞓醒，擘大眼已經見到我。」

家庭工作兩邊平衡

羅子溢表示佢一放假就直接返香港，係因為唔想miss咗任何嘢：「我追求工作、有鬥心，想賺更多嘅錢，得到更多嘅機會，但同樣我同自己講，唔可以用有限嘅嘢去追無限嘅嘢，咁唔代表我冇鬥心，只不過我係隨緣、平衡。我又可以開到工，又可以照顧到屋企人，係自己嘅時間冇咗啫，我覺得冇辦法啦，要顧兩邊平衡，就要犧牲呢啲嘢。」

處女座夫婦 大爆楊茜堯真面目

問到楊茜堯係咩類型嘅太太？會唔會做家務、煮飯？羅子溢就笑言：「佢會做家務、煮飯，同埋唔係大家表面睇到咁硬淨、咁強，佢係一個好照料我身體嘅太太，成日擔心我食唔好，食得多唔好嘅油，我又鍾意飲汽水，佢就迫我戒汽水，哈哈哈哈！凍又驚我唔著衫，因為我喺圍村大，凍慣，大家成長環境好唔同，我同佢都係處女座，所以大家性格相似嘅時候，我明白佢嘅出發點，好多不必要嘅爭拗就可以避免。」

缺點收埋優點放大

羅子溢指兩公婆拍拖同結婚八年，冇可能冇拗撬：「但我覺得情侶之間嗌交永遠都係芝麻綠豆事引起，依家我會學識冷靜吓，我睇吓報紙，佢上吓網購物，就唔記得咗。唔好畀件事發酵，我幾鍾意中國人有句說話──相敬如賓，兩公婆無論幾多年感情都好，我覺得相敬如賓好緊要，可能大家因為恃住感情耐咗，有啲嘢放縱咗，譬如你追佢嘅時候，會將自己嘅缺點收埋、放大優點，但點解結婚之後唔得呢？」

楊茜堯眼濕濕大爆求婚經過

楊茜堯當年榮升羅太後不久，曾接受本報的訪問，講述老公羅子溢求婚經過，馬上去片：