萬千星輝頒獎典禮2024｜羅子溢一家四口冧爆拉票 楊茜堯呼籲網民支持家姐

羅子溢冧爆孖仔女幫老婆楊茜堯拉票

羅子溢日前接受訪問時提到太太楊茜堯今年係視后嘅大熱人選，並表示希望可以成為TVB史上第一對以夫妻檔得獎嘅視帝視后。羅子溢更在直播中打畀楊茜堯，除咗在等候接聽時稱「佢唔會唔聽我電話」，睇見楊茜堯與愛女齊齊出鏡時更係冧到爆！羅子溢隨後叫楊茜堯為自己拉票，而楊茜堯更大方拉住一對仔女齊齊為自己同老公羅子溢拉票，搞到電話旁嘅羅子溢連環甜笑！

楊茜堯揚言全家攞到獎即做1件事謝票

而楊茜堯為自己同老公拉票之外，亦為今年獲提名最佳女配角嘅家姐楊卓娜拉票！楊茜堯更在訪問中揚言如果全家都攞到獎的話，仲會做件事謝票：「如果今年我啦、老公啦、同我家姐，一家喺頒獎禮上面都攞到獎呢，我哋決定拉大隊去街市買餸」而羅子溢亦承接老婆楊茜堯嘅話，表示「順便同咁多位觀眾朋友謝票」。

唔少網民都紛紛留言大讚羅子溢一家sweet到爆：「有一對仔女加持，今年得獎有望」、「楊茜堯個樣睇落就好幸福」、「羅子溢一見到對仔女冧到呢」、「想睇佢哋落街市謝票！」