75歲羅家英不顧汪明荃勸阻 親演前空翻落地：背脊散晒

文：東方新地｜圖：IG@hangtonglaw

羅家英親演高難度動作、背脊落地好牙煙！

今日家英哥在IG貼出演出期間的照片，說：「第一晚的《英雄叛國》，還有兩天，保佑完成。」只見他為演好結局一幕，親身由近兩米高的城牆，以前空翻方式往下跳，背脊落地，相當牙煙！一個不小心隨時頭、頸落地，後果可大可小。

本刊致電家英哥查詢，他直認相中人正是自己，沒用替身。

「榻榻米唔夠力，背脊散晒。」

家英哥回覆本刊表示這一幕戲確有危險，但他指事前有足夠排練，不擔心頭、頸落地，而且劇團亦有做足安全措施，在地面鋪好榻榻米軟墊。

不過，家英哥之後坦承在首晚演出並完成跳城牆動作後，之後兩晚的第二和第三場，將不會再以上演跳樓的一幕，因為「背脊散晒」，他說：

排練嘅時候無喺咁高嘅地方跳落去，所以覺得張榻榻米都足夠墊住我，無問題。點知正式演出喺城牆咁高跳落去之後，先至發現張榻榻米唔夠力，好快到底。之後兩晚唔跳喇，背脊散晒！

汪阿姐勸阻無果，家英哥欲加墊繼續跳

其實阿姐汪明荃有反對家英哥以跳城牆形式演繹角色自我了結的結局，惟家英哥相當堅持。直到首場演出後，他發現榻榻米不足以抵消跳樓衝力，便打算加多幾張榻榻米，繼續跳，沒想過更改表演方式。但，家英哥後來發現背脊有點不適，終於同意改以較低難度的動作表演「英雄自盡」。

為振興粵劇重任肩上扛

羅家英和汪明荃以七十多歲之齡，把振興粵劇的重任扛在肩上，不僅建戲院，更培養新血，現下又親自上陣做出高難度動作，實在令人欽佩。

《英雄叛國》概要

《英雄叛國》講述北齊大將婁思好，破敵榮歸受封南安王並賜姓高，後因功高震主兼夫妻二人不滿足於侯爵之位，定計暗殺國王高琳，嫁禍王子，王子逃往北周。高思好得王位後，在慶功宴上彷彿看見高琳魂魄，嚇得魂不附體，精神面臨崩潰，夫妻二人更開結互相猜忌。之後王子借兵復仇，思好敗亡。