美麗戰場續集改名大賽｜大結局蔣家旻離奇回港被轟完全趕收工

《美麗戰場》豪門爭產戲份極速落幕被指不及《家族榮耀》

由於劇集結局埋下不少懸念和伏線，仍然有不少網民提及開 Season 2 或續集，本來說過「無咩唔好再合作」的陳瀅亦一改口風，表示要看大家「集氣」的成果，笑指上一次《痞子殿下》開續集也是演員自己加上網民熱議作開端，結果成功得到無綫迅速回應落實續集，至於今次《美麗戰場》是否有續集，陳瀅就在Live中表示希望可以再和方力申合作！

網民集氣為《美麗戰場》續集改名

雖然未知係咪真係有續集，而已有專頁開PO叫大家幫《美麗戰場》續集改定名。有人簡簡單單建議續集叫《美麗再戰場》、《美麗又戰場》甚至《美麗仲戰場》，亦有網民提議《阿寶擂台》、《美麗屠場》、《漂亮戰場》等名字，有網民就根據TVB一貫的改名風格，建議續集起名做《美麗狙擊》、《潛行戰場》、《愛回家之美麗戰場之使徒行者》等等。正所謂「網民創意無限」，無論曲定直都好，唔葉念琛會唔會參考吓呢？

《美麗戰場》演員圍埋睇結局要求開續集葉念琛：問曾志偉！

台慶劇《美麗戰場》今晚播出大結局，一眾演員約埋去阿Bob屋企食飯兼睇電視，呢套劇播出以嚟，話題不絕，引起網民熱論，再次掀起煲劇潮，究竟邊個係終極受害者，今晚嚟個了斷！

今次TVB娛樂新聞台獨家搵到「徐富貴」林盛斌(Bob)喺播出劇集之前訪問眾演員，阿Bob問到阿Moon因20億被朋友出賣，阿Moon笑言：「正常嘅，20億揀我，我都覺得你要醒少少，不過係傷心嘅，不過20億，睇到一個朋友真面目好抵。」

張馳豪(Aska)被問同陳瀅合作有冇觸電，Aska承認有觸電感覺：「設施有啲簡陋隨時漏電，有跳番出嚟。」而演霸氣千金嘅朱晨麗則笑係演自己，當眾人起哄叫導演開續集，導演葉念琛將個波交畀曾志偉，叫大家問志偉畀唔畀開續集。 今集逐一披露蛛絲馬跡，揭出Big Boss嘅終極陰謀……

網民曾發起為《家族榮耀》第二季改劇名 「暴龍哥」驚喜上身

今年初播出的《家族榮耀》，同樣集合了正派女主角（楊怡）黑化變奸的過程，全劇30集由已離巢的梁家樹製作，播放時口碑不俗，話題不輸《美麗戰場》，當時已經有網民開PO叫大家幫套劇改定名。有人就話睇劇情，要叫《家之慾孽》，睇嚟係抽2004年台慶劇《金枝慾孽》嘅水；又有人想叫《換妻榮耀》，呢位網民好在意真夫妻楊茜堯羅子溢喺劇中唔係演一對噃；亦有人提議叫《家族榮耀II之監獄月圓》，以及《家族榮耀III之羅嘉良話知你》，仲有「暴龍龍」上身提議「家族又/再/仲榮耀」！正所謂「網民創意無限」，無論曲定直都好，唔知梁家樹會唔會參考吓呢？