美麗戰場｜蔣家旻演終極大反派琪琪 劇透遇險後陷害親妹阿寶

《美麗戰場》蔣家旻演終極大反派陷害親妹阿寶

琪琪- 鍾家琪（蔣家旻飾）

蔣家旻飾演的鍾家琪，曾參加香港小姐競選，陷害二家姐鍾家寶。

蔣家旻飾演最乞人憎的「琪琪」

蔣家旻的「琪琪」，是葉念琛在《美麗戰場》中塑造出來最「最乞人憎」角色。飾演陳瀅異父異母妹妹鍾家琪的蔣家旻，在一系列的劇集宣傳片中「把口冇時停」，唔係鬧人就係發表驚天歪理，其中向陳瀅怒吼的「家咩姐啫，我同你唔同老豆老母生架！我咁聰明你咁蠢！」，擺明向經典奸角甘量宏（張家輝飾）致敬。蔣家旻受訪時坦言琪琪是其人生中暫時「最攰嘅角色」，並笑指每日收工回家都感覺「散晒」：「琪琪係鬧得最多人，好乞人憎、對白又賤格。我做呢個角色情緒係由內攰到外，每日拍完都成個人散晒，唔係眼瞓嗰隻攰，係有虛脫嘅感覺。因為正常鬧人唔會鬧幾個鐘，但我每日拍戲都鬧足十幾個鐘，因為我冇一場戲係可以好平和，就算平和嘅狀態都係挑釁緊人哋，所以需要嘅能量好高。」

更多：美麗戰場｜蔣家旻自爆享受做賤人 葉念琛下令「谷盡上半身」原因公開

《美麗戰場》五大花旦各有特色

《美麗戰場》是無綫55周年台慶劇，由葉念琛監製、編劇及導演，主角陣容有TVB五大花旦陳瀅、蔣家旻、劉佩玥、陳曉華及朱晨麗，以及兩大小生陳山聰及方力申，日前TVB釋出兩條最新預告片，首條預告片中，五大女主角悉數華麗登場，除了打扮性感高貴亮麗，每人均有屬於自己的「象徵花朵」，分別是瑰麗倔強的「黑玫瑰」陳瀅、剛直硬朗的「仙人掌」劉佩玥、 純真柔弱的「太陽花」陳曉華、凶狠魅惑的「捕蠅草」蔣家旻，及妖嬈嬌艷的「彼岸花」朱晨麗。

《美麗戰場》蔣家旻做奸角琪琪葉念琛落order食肥啲著低胸

蔣家昊是前輩級「阿寶」之一，於2013年參演葉念琛電影《第一次不是你》做女一，今次拍攝《美麗戰場》慘被「降呢」，失「阿寶」之位做奸角琪琪。蔣家旻受訪時表示，沒有想過自己會做琪琪，而劇中與陳瀅會一起選港姐，二人要經常鬥戲。蔣家旻又提到，今次自己將會演「葉念琛筆下最賤格的琪琪」，導演更親自落order要佢食肥啲，因為劇中要著短褲、低胸衫，身形再豐滿一點才有睇頭重。

蔣家旻與葉念琛曾合作 電影中飾演援交少女「寶」

因為喺無綫處境劇《愛．回家》飾演馬子妮，成功入屋嘅蔣家旻喺葉念琛電影《第一次不是你》中破格飾演為病母籌錢嘅援交少女「寶」，仲有性感演出，可以話係擴闊咗戲路。