美麗40路︱亞軍38歲馬麗如獲封「熟齡林明禎」 火鍋店老公現身支持
廣告
ViuTV真人騷《美麗40路》9月29日播放總決賽，不少網民的心水佳麗都成功躋身11強。其中有「翻版林明禎」之稱的16號佳麗馬麗如（Taylor）就獲一眾網民睇好奪得亞軍，更指佢同某位53歲 TVB 女星撞樣添！
《美麗40路》 馬麗如奪亞軍 泳裝問答揀Edan
馬麗如今晚《美麗40路》同樣有「港姐傳統」泳裝問答，「翻版林明禎」馬麗如被司儀強尼問到：「你除咗有唔少fans之外，仲得到圈中人嘅關注，假如要在林雪、八両金、Edan之中揀一位做老公，你會點揀？」馬麗如好快就答：「我會揀Edan，因為我妹妹鍾意佢」，之後被追問會唔會帶佢返台灣生活，馬麗如笑指會兩邊走，兩邊都發展，認真體貼！
38歲Taylor獲封「翻版林明禎」
16號佳麗馬麗如（Taylor）現年38歲，但依然保養得非常好，加上Taylor已經移民台灣超過10年，主持們都笑Taylor台灣味濃，「要同佢講普通話」溝通，網友就指佢無論髮型同口音都有啲似林明禎，封她為「熟齡林明禎」。
Taylor被指撞樣53歲女星
網民都睇好Taylor會躋身三強，認為Taylor外表甜美又夠可愛：「Taylor又幾cute」「呢個game馬麗如應該贏梗」。此外，網民亦認為Taylor除了似林明禎之外，亦認為她同53歲陳松伶撞樣：「其實我覺得Taylor 似 陳松齡 多過 似 林明楨」。
Taylor移民台灣10年 同型男老公開火鍋店
Taylor為土生土長的香港人，在10年前嫁到台灣後與老公一起經營火鍋店。Taylor老公同為型男一名，常常在IG夫妻檔拍照買廣告。Taylor表示今次比賽期間時不時港台兩邊走，夠曬忙！
圖片來源：IG@minchen332、IG@tayeyre、微博@陳松伶、網民留言截圖資料或影片來源：原文刊於東方新地
