美麗40路|黃心美回巢被批3大缺點 被指功力大倒退狂食負評
廣告
ViuTV選美節目《美麗40路》由陳俞希、劉明軒、孫慧雪以及黃心美主持,除咗主打40路作為賣點外,42歲前ViuTV一姐黃心美事隔6年再回巢主持同樣引起極大關注。不過黃心美喺節目上嘅表現就被網民狠批強差人意,更引來唔少網民在社交平台上留低負評……
美麗40路|黃心美做主持狂食負評被數3大缺點
日前有網民在社交平台出po指出黃心美3大缺點「真係好唔夾依家Viu個vibe」,更稱佢「一臉正經講野無表情同埋無尾音好奇怪」,與ViuTV現時主打後生創新嘅feel好唔夾。
唔少網民都留言和議:「苦口苦面咁」「個feel好寸」「把聲唔知做乜,啲懶音又多到呢」「記者會佢擺明想搶返一姐,現一姐講野,佢下下串人,同埋好無禮貌」更直斥黃心美「好似想扮大家姐咁」,負評不斷!
美麗40路|網民直斥黃心美功力不及其他3位
除咗狠批黃心美嘅主持功力大不如前之外,有唔少網民仲表示節目中嘅其他3位主持表現更勝一籌:「Vivian喺有線經驗比佢多,人又靚,佢真係節省少少」「反而雪雪比想像中好」「唔到劉明軒年紀最大反而同後生過佢嘅主持夾得幾好」「其餘嗰3位好輕鬆活潑, 主持得好好」