翁嘉穗

49歲翁嘉穗孖廖子妤出山拍廣告 竟低調署名「主席夫人」惹網民關注

娛樂
Sundaykiss

廣告

現年49歲的翁嘉穗（Virginia）貴為1997年度香港小姐冠軍，嫁入豪門之後淡出娛樂圈，近日竟激罕出山拍廣告，不過卻因為廣告中寫上的並非「翁嘉穗」，而是「集團主席夫人」一詞而引起網民熱烈討論！向來美貌與智慧並重的她多年來都keep得相當之好，更不時在網上分享近況，亦有跟丈夫一同公開露面，不過今次連多年前參選港姐時的黑歷史再度被提起⋯⋯
翁嘉穗 集團主席夫人 49歲的翁嘉穗貴為港姐冠軍，至今依然keep得相當好。
49歲的翁嘉穗貴為港姐冠軍，至今依然keep得相當好。（圖片來源：IG@kashuivirginia）

而老闆娘姿態拍廣告

翁嘉穗的老公鄔友正是七海化工集團有限公司主席和海馬集團主席，她日前以集團主席夫人兼設計總監身份與代言人廖子妤一起為公司旗下的傢俬品牌拍廣告，49歲的她坐33歲的廖子妤身旁一點也看不出超過15年的年齡差，保養得宜凍齡感十足！

翁嘉穗 集團主席夫人 2人一同拍廣告，鄔友正都有撐場。
翁嘉穗（右）和廖子妤（中）一同拍廣告，鄔友正（左）都有撐場。（圖片來源：YouTube@TVB 娛樂新聞台）
翁嘉穗 集團主席夫人 翁嘉穗拍廣告拍得有板有眼！
翁嘉穗拍廣告拍得有板有眼！（圖片來源：IG@kashuivirginia）

翁家穗超低調僅稱呼自己作「集團主席夫人」

不過，廣告出街之後，廖子妤旁邊大大隻字寫上「代言人廖子妤」，但翁家穗卻只寫上「集團主席夫人」的字眼，低調到不得了，隨即在網上引起熱烈討論：「做乜咁低調唔落名呀」、「夫人竟然無簽名」、「鄔太咁怕羞呀」、「認唔到翁小姐」。

翁嘉穗 集團主席夫人 有網民發現翁家穗只寫上「集團主席夫人」的字眼。
有網民發現翁家穗只寫上「集團主席夫人」的字眼。（圖片來源：FB@Leung Chung Man）
翁嘉穗 集團主席夫人 翁嘉穗亦有與廣告板合照。
翁嘉穗亦有與廣告板合照。（圖片來源：IG@kashuivirginia）

曾被指「兩女爭一夫」 自此享盡榮華富貴

翁嘉穗當年參選港姐時，與同屆亞軍李明慧曾經鬧出「兩女爭一夫」鬧劇。據悉，李明慧與港姐贊助商兼七海化工主席鄔友正墮入愛河更迅速獲贈鑽戒盛傳訂婚，半隻腳踏入豪門的李明慧正滿心歡喜與無綫解約之際，鄔友正被拍到與翁嘉穗十指緊扣。當年雖然鬧得滿城風雨兩女反面，結果翁嘉穗嫁入鄔家24年，更誕下2子享盡榮華富貴，住進全海景超豪獨立屋，花園、露台、gym room、畫室⋯⋯一應俱全。

翁嘉穗 集團主席夫人 97年港姐三甲係冠軍翁嘉穗、亞軍李明慧同季軍佘詩曼，當年因爭佬事件搞到一鑊粥，李明慧冇得撈，翁嘉穗掛住拍拖入豪門，佘詩曼成為最大得益者，被無綫力捧。
97年港姐三甲係冠軍翁嘉穗、亞軍李明慧同季軍佘詩曼，當年因爭佬事件搞到一鑊粥，李明慧冇得撈，翁嘉穗掛住拍拖入豪門，佘詩曼成為最大得益者，被無綫力捧。（圖片來源：新傳媒資料庫）
翁嘉穗 集團主席夫人 97年當選港姐冠軍後，99年已經嫁入鄔家做少奶奶，今年46歲已有兩子，但翁嘉穗依然 keep 到，隨意喺家中一個角落影張相，都見到擺設和傢俬件件價值不菲。
97年當選港姐冠軍後，99年已經嫁入鄔家做少奶奶，今年46歲已有兩子，但翁嘉穗依然 keep 到，隨意喺家中一個角落影張相，都見到擺設和傢俬件件價值不菲。（圖片來源：新傳媒資料庫）
翁嘉穗 集團主席夫人 夫妻多年來一直相當恩愛，大仔和二仔年紀相差十五歲。
夫妻多年來一直相當恩愛，大仔和二仔年紀相差十五歲。（圖片來源：新傳媒資料庫）
翁嘉穗 集團主席夫人 婚後除咗相夫教子打理頭家，翁嘉穗亦有積極參與慧妍雅集嘅慈善活動，是現任會長。
婚後除咗相夫教子打理頭家，翁嘉穗亦有積極參與慧妍雅集嘅慈善活動，是現任會長。（圖片來源：新傳媒資料庫）
翁嘉穗 集團主席夫人 有錢人同我哋一樣都係鍾意打吓邊爐燒吓嘢食，不過分別在於張枱大啲餐具豪啲，背後淨係攞嚟擺銀器、水晶杯碟嘅落地櫃都有兩個。
有錢人同我哋一樣都係鍾意打吓邊爐燒吓嘢食，不過分別在於張枱大啲餐具豪啲，背後淨係攞嚟擺銀器、水晶杯碟嘅落地櫃都有兩個。（圖片來源：新傳媒資料庫）
翁嘉穗 集團主席夫人 獨立屋背山面海，有花園又有大露台，景觀令人心曠神怡。
獨立屋背山面海，有花園又有大露台，景觀令人心曠神怡。（圖片來源：新傳媒資料庫）
翁嘉穗 集團主席夫人 另一個大露台就算擺滿盆栽仲有一套籐製戶外餐桌，地方仲綽綽有餘，夠細仔坐住架學行車周圍碌。
另一個大露台就算擺滿盆栽仲有一套籐製戶外餐桌，地方仲綽綽有餘，夠細仔坐住架學行車周圍碌。（圖片來源：新傳媒資料庫）

港姐冠軍翁嘉穗闊太生活

翁嘉穗攞完港姐冠軍已經趕住嫁人，喺娛樂圈真係冇乜發展過，闊太生活無憂得閒出席吓上流社會ball，又幫老公鄔友正名下嘅海馬牌做吓宣傳，keep住曝光率，15年突然再生多個細仔，翁嘉穗產後更加活躍同高調，不時喺社交網公開私生活照片，最近佢仲喺fb落廣告狂谷自己個網頁，唔通想學人做KOL吸粉？

翁嘉穗 集團主席夫人 翁嘉穗於99年同鄔友正結婚，除咗享受闊太生活，佢仲會打扮靚靚為老公推廣生意。
翁嘉穗於99年同鄔友正結婚，除咗享受闊太生活，佢仲會打扮靚靚為老公推廣生意。（圖片來源：IG@kashuivirginia）
翁嘉穗 集團主席夫人 翁嘉穗IG內有大量闊太生活照，仲有佢同19歲大仔及5歲細仔嘅母子開心合照。(翁嘉穗IG圖片)
翁嘉穗IG內有大量闊太生活照，仲有佢同19歲大仔及5歲細仔嘅母子開心合照。（圖片來源：IG@kashuivirginia）
翁嘉穗 集團主席夫人 46歲嘅翁嘉穗，成為港姐冠軍後戀愛大過天，演藝成就幾乎係零，不過最近佢就喺社交網好活躍，仲喺fb狂賣廣告。
翁嘉穗，成為港姐冠軍後戀愛大過天，演藝成就幾乎係零，不過去年佢就喺社交網好活躍，仲喺fb狂賣廣告。（圖片來源：翁嘉穗FB）
翁嘉穗 集團主席夫人 翁嘉穗連日喺fb大賣廣告自我宣傳，仲話畀大家知佢好鍾意畫畫。
翁嘉穗曾經在Facebook大賣廣告自我宣傳，仲話畀大家知佢好鍾意畫畫。（圖片來源：翁嘉穗FB）
翁嘉穗 集團主席夫人 賣晒廣告都係唔夠一千人like佢個fb網頁，效果真係唔理想喎！
賣晒廣告都係唔夠一千人like佢個fb網頁，效果真係唔理想喎！（圖片來源：翁嘉穗FB）

翁嘉穗太高調被挖臭史

港姐冠軍翁嘉穗突然咁高調一定有啲原因，佢又唔係sell嘢，好大可能係想刷存在感。不過好衰唔衰就引起一班中年網民嘅注意(當年係97，事隔23年，後生仔唔會知佢係乜水)，重提當年佢參選港姐時嘅黑歷史，咪就係佢喺亞軍李明慧手上撬走鄔友正囉！

翁嘉穗 集團主席夫人 翁嘉穗近期喺fb過於高調同進取嘅表現，被網民質疑為乜？
翁嘉穗近期喺fb過於高調同進取嘅表現，被網民質疑為乜？（圖片來源：翁嘉穗FB）

趁情敵公幹奪愛

97年嘅港姐翁嘉穗係冠軍，李明慧係亞軍，佘詩曼只係季軍，當年李明慧同翁嘉穗關係非常之差，唔係因為大家係競爭對手，係因為大家係情敵。話說翁嘉穗現任老公鄔友正當年係李明慧嘅男友，因為鄔友正旗下公司當年係港姐選舉嘅贊助商，鄔友正因利成便同李明慧打得火熱，相戀十日就宣布會喺同年閃婚，李明慧當時以為可以嫁入豪門，就向無綫提出解約。期間李明慧去美國公幹，就係呢個時候傳出翁嘉穗同鄔友偷偷約會，翁嘉穗仲對外公開自己先係鄔友正嘅正印女友，不過重點係鄔友正亦好維護翁嘉穗，仲向李明慧悔婚，最後李明慧成為最大輸家，解約無綫冇得撈，有傳獲鄔友正補償120萬，不過最大損失係冇得嫁入豪門。

翁嘉穗 集團主席夫人 有番咁上下年紀嘅網民，都記得當年好轟動。
有番咁上下年紀嘅網民，都記得當年好轟動。（圖片來源：翁嘉穗FB）
翁嘉穗 集團主席夫人 大家都知當年鄔友正間公司年年都贊助港姐選舉。
大家都知當年鄔友正間公司年年都贊助港姐選舉。（圖片來源：翁嘉穗FB）
翁嘉穗 集團主席夫人 爭佬事件當年好爆，原來鄔友正當年係失婚。
爭佬事件當年好爆，原來鄔友正當年係失婚。（圖片來源：翁嘉穗FB）
翁嘉穗 集團主席夫人 明眼人一睇就知誰是誰非，為咗入豪門，原來真係可以去到好盡。
明眼人一睇就知誰是誰非，為咗入豪門，原來真係可以去到好盡。（圖片來源：翁嘉穗FB）

失鄔焉知非福

呢段咁精彩嘅港姐冠軍同亞軍爭佬歷史真係好經典，李明慧當時雖然雙失(失業又失戀)，但佢好快就重整旗鼓，再接再厲，她先轉行做稅務會計師，呢個唔係重點，重點係佢後來因為工作關係喺美國認識咗教育家、慈善家陳樹渠嘅細仔，即係現任丈夫陳燿陽，仲喺03年正式結婚，婚後生咗一對龍鳳胎，比起情敵翁嘉穗差，老公家底有過之而無不及。李明慧嫁畀陳燿陽後就專心過住少奶奶生活，早年一家人移居美國生活，近年先回流返香港。李明慧有今日嘅幸福人生，真係要多謝當年翁嘉穗橫刀奪愛咯！

翁嘉穗 集團主席夫人 李明慧爭輸鄔友正反而造就另一段良緣，一樣可以嫁入豪明做少奶奶，近年由美國回流香港，高貴現身與公關鄭紹康聚頭。
李明慧爭輸鄔友正反而造就另一段良緣，一樣可以嫁入豪門做少奶奶，近年由美國回流香港，高貴現身與公關鄭紹康聚頭。（圖片來源：鄭紹康IG）

撰文：東方新地圖片來源：IG@kashuivirginia、YouTube@TVB 娛樂新聞台、新傳媒資料庫資料或影片來源：原文刊於東方新地

熱門文章

最新文章

廣告
按此打電話