聲夢傳奇2海外踢館賽｜Sabrina趙紫諾全情投入 泳兒遭森美喪窒「紅都面晒」
泳兒遭森美喪窒「紅都面晒」
擅長Rap唱的Sean，是次表演則實現了《聲夢2》「我超越我」精神，親自作曲、填詞及編曲《My Zone》，並邀來好兄弟Duncan、金永衡（金仔）及陳昊廷（Timothy，簡稱Tim）齊齊Rap，Chok爆台風加上自信表現令全場氣氛高漲。之後泳兒點評時，因為一句話遭森美喪窒，大感尷尬的泳兒更笑到「紅都面晒」。
至於評審則普遍對這隊「踢館男團」給予正評，陳潔靈：「我覺得你出場時係有信心，Duncan、Tim、金仔very good！你哋可以諗吓做一個組合。」張佳添：「四個大男孩又跳又rap，我覺得好似好正嘅動物園，好有娛樂性，呢個係稱讚嚟架！」
舒文及張佳添讚Sabrina
而有「聲夢小魔王」之稱的季軍人馬Sabrina，先以長腿鮮艷打扮獻唱《Roar》，對戰馬來西亞亞軍Zev的《讓我一次愛過夠》。全情投入rock爆之餘更展現舞台霸氣的Sabrina，獲得舒文及張佳添讚賞，舒文表示：「你每次揀啲Rock啲嘅歌，你都會做得好啲，你去得好盡，甚至我Feel到你Enjoy嗰個Power，Good！」之後Sabrina玩遊戲時換上一個全黑型格造型，就連陳潔靈都讚她「Got The Look」。
下一頁：《聲夢傳奇2》季軍起底｜Sabrina趙紫諾9歲獲鋼琴演奏級曾開獨奏音樂
《聲夢傳奇2海外踢館賽》加插綜藝比拼「聲夢無敵馬拉松」
馬來西亞冠軍彭詡越（Xair）樣子甜美，在遊戲環節「跳舞馬拉松」中與隊友、全澳洲總冠軍孫佳利（Lorraine）、馬來西亞季軍王紫薇（Ziwei）及第五名潘乾政（Zentson）挑戰香港代表的跳舞精英劉芷君(Aster)@XiX、繆昀希(Charlotte)@XiX、劉詠彤（Angel）及侯雋熙（Duncan）。平時在舞台上精靈活潑的XiX，是次對奕中竟一出場便「燒焦」，而曾參加內地偶像女團競演真人騷《加油！美少女》的Xair，可能因為有女團訓練根基，無論多難記的舞蹈能輕鬆駕馭，加上每個動作均大派可愛表情包，成功吸引大家眼球。
孫佳利 Lorraine 上半場 演唱《 Can’t Take My Eyes Off You 》
其實Lorraine 把聲好靚，唱得好好，重溫上半場嘅演唱：
「聲夢無敵跳舞馬拉松」去片：
本地畢業生同海外交流生今次要玩「跳舞馬拉松 」，兩邊各自派出舞蹈擔當，大玩跳舞接力，平時喺舞台上精靈活潑又擅長唱跳嘅XiX，遇上來自馬來西亞嘅強敵彭詡越Xair仲能唔能發揮到優勢？
XiX 演唱慢歌《 那些年 》唔跳唱觀眾點睇？
XiX今次唔跳唱， 得到網友高度評價「唔一定要跳唱，慢歌獨唱也一樣精彩。成員已培養出默契， 各人也有自己歌唱特色 ，成熟可愛。最重要是見到各人好努力保持團隊精神把演繹做到和諧， 表演比以前大有進步前途無限！」
陳泓升Vincent 、 彭詡越Xair 、 王紫薇Ziwei 、 潘乾政Zentson 演唱《 小情歌 》
Dream Team派出馬來西亞賽區第四名 – 陳泓升Vincent ，連同撐場隊友 – 彭詡越Xair、王紫薇Ziwei、潘乾政Zentson，一齊合唱由蘇打綠原唱嘅《 小情歌 》。即刻去片欣賞啦！
對戰難度升級！限時盲唱卡拉OK
下半場繼續趣味音樂遊戲比拼，今次要考驗大家對歌曲時長嘅把握！潘靜文Sherman帶領嘅Star Team派出實力唱將黃洛妍Janees、彭家賢Zayden應戰，張馳豪Aska帶領嘅Dream Team就派出來自馬來西亞嘅梁宸語Zev同來自澳洲嘅蔣沁忻Gina，冇計時器又要唱到指定秒數，兩隊代表邊個更加心中有「數」呢？
趙小婷Pamela 跳唱《 Dance Monkey 》
未能入到第二輪嘅趙小婷Pamela，其實當時都有精心準備過快歌表演，今次就特別為大家送上Pamela喺決賽總綵排跳唱《 Dance Monkey 》嘅精彩片段。即刻去片欣賞啦！
譚嘉儀演出獲評審激讚
唱功毋庸置疑的譚嘉儀，當晚穿上高貴晚裝，帶領香港代表Pamela及海外代表Ziwei獻唱電視劇集《白色強人》插曲《Can You Hear》；雖然三人是首度同台，但默契十足，聲線亦相當融洽和諧，獲現場評審激讚。填詞人黃敬佩更對Pamela讚不絕口：「自從《電燈膽》之後，覺得你個進步係好大，把聲冇以前咁薄，感情亦多咗好多。」
聲夢2男團登場！文佐匡Sean 、金永衡Christopher、陳昊廷Timothy & 侯雋熙Duncan丨演唱《 My Zone》
《 聲夢傳奇2 》本地畢業生、海外交流生 合唱《 我的快樂時代 》
節目完滿結束，《 聲夢傳奇2 》本地畢業生同海外交流生共同呈獻一場音樂盛宴！回顧今次旅程，大家會有咩心路歷程呢？佢哋以歌聲表達，合唱陳奕迅原唱嘅《 我的快樂時代 》，即刻去片欣賞喇！
