傳《聲夢傳奇3》籌備中粉絲反應兩極 《聲2》冠軍任暟晴有特別任務
廣告
《聲夢傳奇3》盛傳籌備中！雖然無綫宣布《勁歌》頒獎禮改為兩年一屆，不過皇牌節目《聲夢傳奇》仍受重視，第三季盛傳籌備中，消息一傳出，部份網民留言質疑TVB資源不足，《聲夢2》冠軍任暟晴雖然曝光不及《中年好聲音》，但原來暗中有「特別任務」！
傳《聲夢傳奇3》籌備中 網民質疑：舊人未捧掂又開新？ 粉絲力撐：港姐都係咁！
TVB近年所舉辦的歌唱選秀節目系列《聲夢傳奇》捧紅不少新歌手，《聲夢1》出身的炎明熹、姚焯菲Chantel和鍾柔美等人都紅到發紫；相反《聲夢2》的參賽者就冇乜聲氣。最近有消息傳出TVB正在籌備《聲夢傳奇3》，不少網民都對此表示非常不滿，認為TVB都未捧掂《聲夢2》就準備捧新人，仲話與其開《聲夢3》，不如繼續搞近排人氣高企的《中年好聲音》。
楊千嬅爆囝囝想參加《聲夢》 有望成種子選手
楊千嬅早前在節目講到囝囝丁進諾喜歡扮鬼扮馬，更遺傳父母鍾意唱歌的特質，她說︰「佢好鍾意唱歌，仲睇晒《聲夢傳奇2》識晒啲學員名，所以佢識Eric（《聲夢2》導師之一）。佢叫我問下點樣參加。我話你唔好言之過早，10歲咋。佢唔知以為係玩game，唔明個樣嘢，唔明個壓力喺邊度。」楊千嬅咁醒目仔節目剛籌備就幫囝囝宣傳，看來囝囝有機會成為《聲夢傳奇3》的種子選手之一！
《聲夢2》冠軍任暟晴 搶閘致敬張國榮 獲10萬點擊
去年在《聲夢2》成功奪冠的任暟晴，一度被追捧為「姚焯菲Chantel 接班人」，但可惜後勁不繼，過咗大半年都未有原創音樂作品派台。不過比起《聲夢1》冠軍炎明熹，《聲夢2》冠軍任暟晴出道大半年，最近已經有機會參加懷念張國榮Proejct，翻唱張國榮的《怪你過分美麗》，4天獲10萬點擊，有份參與呢個計劃都算有個唔錯嘅開頭，網友更讚「演譯得好有味道」！
