胡杏兒傳與大仔關係疏離致抑鬱 自爆堅持帶二仔北上掘金背後有原因
撰文：東方新地 圖片：東方新地、胡杏兒微博、李乘德微博
胡杏兒工作、家庭兩難全
今時唔同往日，胡杏兒北望神州賺到笑，辛苦拍港劇真係免得就免，不過北上工作衍生出另一個問題，就是令胡杏兒與囝囝的關係變得疏離。
與大仔Brendan關係疏離
胡杏兒與老公李乘德育有三子，大仔Brendan今年3歲，胡杏兒三年來都忙於工作，加上懷上第二及第三胎，花在Brendan的時間的確有限，有傳19年佢拍完內地劇《末代廚娘》返港後，發現當時只得歲幾嘅大仔Brendan寧願跟工人姐姐都唔黐佢，兩母子關係好疏離，令胡杏兒忍唔住爆喊，更一度情緒失控抑鬱。
細仔100日視像慶祝
胡杏兒搵錢心切冇時間湊仔但又堅持生第三胎，今年4月再誕下細仔李奕宏（Liam），餵緊人奶的她5月底再北上開工，跟去年一樣帶埋二仔李奕霖（Ryan）同行，此行要離港4個月，胡杏兒拍完廣告後，飛往北京及天津拍劇，留下大仔及細仔給老公李乘德及家人照顧，日前細仔Liam出世100日，都只能靠視像慶祝。
胡杏兒話傳聞莫名其妙
胡杏兒曾表示是老公李乘德提議她趁二仔Ryan年紀仍小，帶在身邊前往開工，工作之餘可增進母子感情。對於被傳曾有抑鬱立即澄清，胡杏兒回應說：「這個報道那麼莫名其妙，不知從哪裏來？我從來沒有抑鬱症，一直生活得好開心，只要在香港，我大部分時間都是自己湊小朋友，工人姐姐很少湊。」事實上這兩年胡杏兒在港的時間，真係少之又少呢！
網民反應一致
胡杏兒選擇帶兩歲的二仔Ryan北上，唔留港讀學前班，據知有時更要囝囝三更半夜起身去片場拍戲，就算有保母貼身照顧，小朋友都辛苦！不少網民都議論紛紛，覺得胡杏兒這幾年攞苦來辛，甚至批評她眼中只有賺錢，根本冇好好照顧過三個仔。今年5月，生完仍在谷奶的胡杏兒即刻修身，急不及待帶埋二仔Ryan北上復工，拍完廣告轉往北京及天津拍劇，為了細仔繼續有人奶食，胡杏兒邊拍戲邊泵奶，再冰鮮人奶速遞返港。
胡杏兒聖誕宣布陀第三胎
胡杏兒在2020年聖誕佳節宣布陀第三胎，BB今年4月出世，成功「陀牛B」的胡杏兒，年初從內地工作返港，在酒店隔離時曾高興表示：
「聖誕節是一個同自己家人一齊歡渡的開心日子，所以特別揀這個日子同大家分享這個開心的消息！其實一直以來都希望有三個小朋友，現在如願以償都非常感恩。今次懷孕也算是計劃之內，生仔或生女也沒所謂，最緊要健康。預產期大約明年年頭、年中左右。」
內地工照開做埋產檢
杏兒又話：「之前在內地工作時也沒有跟劇組透露懷孕一事，自己不想有任何特權。我希望公平、公正下比賽，最後都攞到好成績也很開心，而且有BB同二仔Ryan一直陪着自己!因為已懷第三胎，所以好有經驗，沒有覺特別辛苦，基本上同其他懷孕女士一樣，工作時也沒甚麼影響。而每次陀B也剛巧有工作在身，今次也不例外，早已適應下來。而懷孕初期也沒特別現肚，沒人察覺！感謝BB好乖，我一直有在內地做檢查，好安全、好順利。但現時疫情下都會份外小心。也祝大家聖誕快樂！」
胡杏兒返港後即造人拒拍港劇增肥再減肥
胡杏兒15年離開娘家無綫後，事業與家庭雙線發展，與老公李乘德婚後三年抱三，大仔Brendan(李奕霆 )3歲半，二仔 Ryan(李奕霖 )2歲，細仔Liam(李奕宏)只有3個月大，杏兒產後仍要努力工作搵錢。
41歲的胡杏兒，挾住無綫視后之名北上發展，事業繼續旺，過去十年拍過逾十部國內劇，再加上真人騷及綜藝節目，賺人仔已經豬籠入水，睇佢去年冒住疫情帶埋囝囝北上工作三個月，就知國內酬勞有幾可觀，要她再拍既困身又辛苦的港劇，有得揀當然耍手兼擰頭啦！
