舒適堡暫時全線結業 重溫10年前郭富城代言靚相慘被不斷消費
重溫10年前郭富城fit爆造型照 靚相原來由名師操刀！
根據小美工作室資料指，郭富城由2002年開始代言至今，已成「舒適堡」生招牌，2014年經典造型廣告由夏永康操刀，捕捉到城城健康的性感。Sean K 負責造型，合力打造一個有王者氣派且健康性感的郭富城，絕對稱得上是王者之選。城城認為健身是用一生去經營的事。一如全新口號所說：「堅持就是王道」。廣告於明面全面發放。
網民一人一句爆舒適堡教練惡行
對於健身中心結業，網民都有不少負評： 「啲教練見sell唔到正常玩開健身嘅人，就轉而sell d cheap plan公公婆婆，果陣響Physical成日見，d阿婆上PT堂，頂你，似做物理治療多過健身囉」、「臨執笠前幾日，比條女sell到 plan，衰自己on9 集思點盡量追討番損失…..有冇得告佢地毀約，你地損失幾多錢？ 」、「最近幾個月 去親都叫我拿coupon join 永久會藉」、「我阿媽嗰陣都續3年，續完唔夠一個月就執咗，本身嗰條友仲sell佢續五年…嗰陣我媽都75歲，好彩我阿媽唔肯」
「P記係我做過咁多間gym第一間gym我唔會喺入面沖凉，因為連沖涼房都感覺好污糟」
2016年郭富城大騷腹肌多謝舒適堡 2024都有再提及！
郭富城2016年在紅館舉行一共15場的《郭富城舞林密碼世界巡迴演唱會》，城城勁歌熱舞固然精彩，連多謝贊助時都好出眾，在多謝贊助商舒適堡時，城城相當識做，馬上脫掉透視外衣大騷腹肌，畀大家「驗貨」，令全場觀眾睇到哇哇聲！其實在剛過去的2024演唱會上，郭富城也有提及舒適堡，不過今年就相對低調，只在提及連串贊助單位時輕輕帶過舒適堡的名字，在結業事件發生後，郭富城經理人小美也有回應傳媒，表示今年年初已經完成合約，因為之後各自有新嘅項目發展，所以就無再續約！
網民爆笑：郭富城証實了這個消息
不少網友對於舒適堡暫時結業回應：「郭富城使唔使負責?」「郭富城証實了這個消息」「郭富城證實咗呢個事實未？」「咩係「暫時」全線結業？」「Physical 變 Virtual」「暫時執笠，好少聽e 個term」。
