台慶壓軸嘉賓2023｜傳周潤發重返TVB做嘉賓 回顧近年TVB台慶壓軸巨星！
台慶嘉賓2023｜ 無綫公布神秘喜賓 網民競猜係周潤發
次TVB台慶將請來一位超級巨星做特別嘉賓，就咁齋睇剪影，大家又估唔估到係邊個呢 ？答案將在台慶當晚揭曉 ！據知呢一位「天王級」人馬會驚喜現身Opening、圍繞大會主題大談「初心」以及在無綫的成長故事！
雖然無綫至今尚未正式公布天王人選，但據知這位天王亮相56周年台慶別具意義，皆因無綫是他踏上「天王之路」的起步點，曾為無綫拍過不少家傳戶曉經典劇集的他，還曾多次踏上無綫大型綜藝節目舞台，絕對是陪伴無綫及家庭觀眾成長的重要人物。不少觀眾憑剪影猜測呢位 「天王」係周潤發，但亦有人估係吳剛、梁朝偉、林家棟和鄭少秋⋯⋯
2022年台慶嘉賓最成功： 郭富城贏收視&口碑！
去年成功邀請到「天王」郭富城相隔8年重返電視城 ，率領超過50位專業舞蹈藝員，勁爆壓軸登場，57歲的郭富城成功用3首歌帶動全場氣氛，確係十分成功，亦令到今年嘅人選變得十分高難度，要超越去年氣氛並唔容易！
郭富城在《 萬千星輝賀台慶2022 》最後一個表演環節登場，他站在一個寫着「Anniversary」的台上現身，又唱又跳！城城穿起螢光綠的外套以及閃金的半透明背心，一路跳不時一路露點，他先帶領大班dancers唱出首本名曲《狂野之城》，之後再唱出《唱這歌》及《動起來》。
「盛舞最強」郭富城勁爆登場！「我個心其實好感動」
郭富城回娘家表演，有星級編舞Sunny Wong嘅最強舞台陣型，當然唔少得舞台王者！郭富城在事前受訪，被問到會否現身台慶，佢咁回應：
「我聽到消息話今年台慶有當年我嘅老師出現，其實已經退咗休，我好希望見到佢哋！」 佢又認真表示，一個電視台能夠在55年間陪住大家成長，自己覺得好有意義：「我亦都係TVB出嚟，我個心其實好感動。」
萬千星輝賀台慶2021｜李克勤壓軸登場
去年為無線第一屆《聲夢傳奇 》做導師的李克勤，在《萬千星輝賀台慶》尾聲壓軸登場，獻唱首首經典金曲，為台慶帶來最高潮！
萬千星輝賀台慶2020 楊千嬅歌藝受關注
2020年壓軸表演係近日表示「願到人瑞仍然能活出一顆少女心」嘅楊千嬅！當時佢為台慶獻唱佢嘅三首名曲＜少女的祈禱＞、＜飛女正傳＞、同埋＜假如讓我說下去＞ ！youtube置頂評論係十分正面讚揚： 「TVB有個好既地方，從來好少調音就直接出片，可以聽得出歌手Live最真實既聲音，大陸啲節目調到阿媽都唔認得。」
台慶2019 年只有周柏豪、菊梓喬
由於社會示威事件，2019年TVB台慶改名《珍惜香港 發放娛樂 TVB52年》，亦未有特別嘉賓回娘家獻技。
萬千星輝賀台慶2018 | 鄭伊健賀台慶 | 友情歲月 | 周柏豪
今年鄭伊健在台慶日紅館開騷，但原來2018佢都有回娘家賀台慶！當時無乜人估到有佢份演出！你哋睇吓全場氣氛幾HOT!!跟住仲有周柏豪一齊唱友情歲月呀 !
