萬千星輝頒獎典禮2023｜盧海鵬因1病致右眼失明 百病纏身全靠1人照顧

萬千星輝頒獎典禮2023｜盧海鵬驚喜現身擔任頒獎嘉賓

頒獎禮當晚，久未露面的盧海鵬與戚美珍、賈思樂三人驚喜現身《萬千星輝頒獎典禮2023》，為「最佳男主持」、「最佳女主持」擔任頒獎嘉賓。年過80歲的盧海鵬雖然需要身旁的戚美珍從旁攙扶，但看到他依然非常精靈，說話中氣十足！站在中間的盧海鵬一開口便搶著說：「盧海鵬試咪，大家都要食雞」，貫徹其搞笑風格，令現場觀眾捧腹大笑。三人又指這次是代表「蝦仔爹哋」（《歡樂今宵》其中一個重點環節）而前來頒獎的。

82歲盧海鵬自揭因1病致右眼失明

盧海鵬早前出席由無綫電視藝員訓練班畢業同學組成的「藝進同學會」聚會，期間接受了藝訓班的同班同學鄧英敏訪問。當鄧英敏問到盧海鵬最近身體情況時，盧海鵬中氣十足地表示並無大礙，只是「以前搞到自己隻眼盲咗」，盧海鵬解釋指：「因為長期糖尿啊，引致隻眼青光眼，都冇辦法醫到，知道都無得醫了。右眼就盲咗嘅，另一隻就冇事」。

失明後依然每日堅持做「呢件事」

雖然因糖尿病而導致右眼失明，但他仍很注意健康，早前曾有報道指盧海鵬每天與周潤發一起跑步。他受訪時表示自己會在每早都會堅持跑步：「全靠朝朝早跑步啊。」被問到是急跑還是慢跑，他指「梗係慢跑啦，我能唔能夠急跑先？就算係急跑都會死人，個心臟都負荷唔起了。」盧海鵬更表示每日都會跑足一個鐘，完成後便會買麵包食早餐，生活規律，相當健康。

孤身獨留香港 未必復出演戲

臨近農曆新年，他被問到時會否到海外過年時，盧海鵬表示沒有特別打算，且家人都身在海外，通常都會獨自留港過節：「冇咩打算，過咩節都係咁嘅，我啲人又冇曬喺到，屋企人全部喺加拿大，剩番我一個喺度啫。大陸嘅屋企人呢就死曬。」不少觀眾都期望他能復出拍戲，盧海鵬坦言有戲癮，但力不從心：「演出就難講啦，自己覺得可以做咪做下囉。做戲嘅嘢你撩到就有戲癮，你唔撩就係咁呆呆滯滯囉，年紀都唔細㗎喇。」

一度百病纏身 全靠戚美珍陪同就醫

曾與盧海鵬在《歡樂今宵》飾演一對鬥氣冤家的林建明，同樣在接受鄧英敏訪問時就大爆盧海鵬身體一度出現問題，孤身留港的盧海鵬全靠「三嫂」戚美珍陪同就醫：

當時盧海鵬身體就有啲問題，佢（戚美珍）就成日打電話Check住，盧海鵬眼睛有問題又陪住佢，book埋醫生，捉埋佢同佢一齊睇，畀埋錢。眼之後就到心臟有問題，跟住又陪佢去心臟科，照顧周到。

林建明更指自從盧海鵬與周潤發一起行山之後身體改善了不少：「早排都唔係好行得，冇乜力，但經過成年之後都OK，但呢啲都係全靠阿戚（戚美珍）推動佢踏出呢一步。」

一齊睇片：

盧海鵬在接受鄧英敏訪問時自揭因1病令到右眼失明！