萬千星輝頒獎典禮2023｜炎明熹紅鶴裝VS陳星妤夜場裝 盤點紅地氈災難造型
肥媽「賀年」打扮貼上身
69歲的肥媽（Maria Cordero）以前衛的髮型和一身金光閃閃的橙黃色戰衣出席，驟眼睇好似去拜年一樣，連後生女游嘉欣站在旁邊都被比下去，肥媽更透露身上的打扮價值不菲：「連埋首飾，都唔係一層樓嘅首期！」
莊子璇包枱布上身
21歲應屆港姐冠軍莊子璇（Hillary）早前在台慶已經被狠批晚裝似淘寶裙，今晚繼續以廉價晚裝上陣，以一身低胸絲質湖水藍色長裙出席，不過卻有欠高貴氣質，顏色亦比較俗氣，似足酒樓枱布一樣。
「飛爺」鄧智堅激似大富翁
現年37歲、在《新聞女王》中飾演「飛爺」的鄧志堅，帶埋珍珠奶茶入場，不過未入場已經飲晒，十分入戲！上屆已奪得「最佳男配角」獎項的他，一身花俏造型都非常之搶眼，不過他的「奇勒基寶」髮型更加凸顯髮量和身高略為不足，再加上「二撇雞」造型，令人不禁聯想起大富翁……
陳星妤性感失敗「露晒底」
28歲的陳星妤以一身透視真空晚裝現身，雖然好性感，不過可能晚裝實在太過透，竟然失守露出大媽底褲，扣晒分！不過她站在企喺「沙律媽」陳法蓉旁邊，即時將觀眾帶返去80年代《一舞傾城》賣初夜的回憶！
丁子朗人肉碎紙機
26歲的前港男亞軍丁子朗，率領一眾《亞洲超星團》的參賽者現身，雖然個個都白色晚裝登場，不過丁子朗的造型最為注目，下身掛上一堆麻繩做裝飾，十足碎紙機入面的碎紙！
炎明熹JW一齊透底底
18歲的Gigi炎明熹，與JW王灝兒一同孖住出席，2人下身透到爆，不過Gigi的造型實在太過破格，上身黑色bra加白色恤衫，下身竟然配上艷紅色的絲襪和羽毛，與紅地氈撞晒色，將JW的透底look比下去！不過，網民都表示睇唔明：「造型師毁掉GIGI 」、 「GIGI好肉酸」、「搞乜呀」、「致敬紅鶴 flamingo」 、「露底喇！唔記得著褲？」
炎明熹紅鶴裝品牌原來大有來頭！
炎明熹嘅服裝係倫敦小眾品牌David Koma 的作品 ，去年BLACKPINK在Coachella的兩場表演也是穿上他的作品。服裝在去2月初登場 ，參照模特兒穿搭式，與Gigi有九成相似，但氣質就略有出入！
姚焯菲凸肚腩
17歲的Chantel姚焯菲，與另外2位AfterClass成員Windy和Yumi一同現身，周不時都被外界狠批身形走樣的Chantel揀選一條黑色tubetop晚裝出席，不過卻依然蓋不住臃腫身形，肚腩依然無所遁形。
陳茵媺孕婦裝再現
42歲的陳茵媺與陳豪夫妻檔一同行紅地氈，貴為3個小朋友媽媽的陳茵媺以一襲純黑色的樸實晚裝出席，不過可能裙子並沒有收腰設計，令她站出來身形有欠線條，再加上阿Mo全程扶實太太，令人誤會陳茵媺是否再有身孕……
劉佩玥似受傷病人
34歲的劉佩玥帶病上陣，失住聲狀態欠佳都出席，晚裝驟眼睇就好似包紮帶一樣……
同場加映：
今年紅地氈分成前台、後台，直播中不時一邊播放前台，一時又跳去後台訪問，令網民睇到眼都亂！不過原來除了觀眾覺得亂到爆，連紅地毯主持都一樣，竟然頻頻讀錯資料，混亂到不得了，甚至兜口兜面將陳浚霆認做吳偉豪，令觀眾O晒嘴：「有料嘅都去咗行紅地毯，留返啲次貨做YouTube直播！」
