萬千星輝頒獎典禮2023｜開場致敬7大劇集 盤點19位演員彩蛋

4分半序幕短劇 超濃縮致敬7部人氣劇集

頒獎禮開場之前，TVB更特意找來一大班演員拍攝4分半鐘的開場VCR，向7部2023年的人氣劇集《新聞女王》、《愛回家之開心速遞》、《一舞傾城》、《寵愛PetPet》、《隱形戰隊》、《破毒強人》及《羅密歐與祝英台》致敬！

1. 《新聞女王》飛爺、方太打頭陣 欽點丁子朗做司儀

片頭一開始，就見到《新聞女王》中的飛爺鄧志堅和方太龔慈恩欽點丁子朗做《萬千星輝頒獎典禮2023》的司儀：「你嚟就啱啦，嚟緊個頒獎典禮，我哋想你做主持！」

2. 《愛回家》群姐低胸惡搞高海寧

鏡頭一轉，丁子朗去到一廠見到竟然冇人，只得在《愛回家之開心速遞》中飾演清潔工「群姐」的許思敏獨自打掃，她還惡搞《新聞女王》中使出「衝擊眼球拉鏈大法」的高海寧，不過拉低拉鏈之後卻並非露出「事業線」，而是群姐的綠色清潔工制服！

3.《寵愛Pet Pet》周嘉洛唔認自己係安仔

周嘉洛雖然憑《愛回家之開心速遞》「安仔」一角深入民心，兼且憑該角色在《萬千星輝頒獎典禮2019》中以24歲之齡成為歷屆最年輕的「最佳男配角」，不過丁子朗見到他叫他「安仔」，他卻連忙否認，原來是因為他是《寵愛Pet Pet》中的汪聲仁！

4.《隱形戰隊》「鏗少」再現！劉穎鏇同丁子朗鬥白滑

劉穎鏇和劉佩玥在《隱形戰隊》中被「鏗少」阮浩棕吊起兼施以水刑下場超慘，2人孖實丁子朗重演這一幕，不過今次卻沒有水刑，僅僅演出被綁起的畫面！最吸睛的莫過於舉起雙手勁白滑的丁子朗，竟然不輸穿上小背心的劉穎鏇……

5. 丁子朗被《一舞傾城》舞女包圍

彩蛋入面亦有包含「港版華燈初上」《一舞傾城》，不過卻沒有女主角陳法蓉和姚子羚，只有鄺潔楹、蔡潔、傅嘉莉和莊思敏幾個夜總會舞女，不斷叫丁子朗做丁總，更狂餵他飲酒：「飲晒佢！」而飾演「江潔兒」的陳星妤更加有單人鏡頭，流住淚向丁總求救：「我媽逼我賣豬啊……」

6.《羅密歐與祝英台》陳豪與丁子朗上演Hehe情節

陳豪和老婆陳茵媺在《羅密歐與祝英台》中，上演「男男一吻」的一幕，丁子朗亦有惡搞該場面，作狀咀向陳豪，不過對方即刻擘大眼：「咩料啊？」陳豪之後再隨即以《破毒強人》的造型走出來，將去澳門的船飛交給丁子朗！

7.陳豪轉聲變「文華」致敬《破毒強人》

壓軸！丁子朗夠膽死扮《新聞女王》佘詩曼

由於丁子朗在開騷前依然未趕到去澳門，連《新聞女王》都有報道，作出報道的為在劇中飾演「劉艷」的王敏奕。丁子朗戴埋假髮扮Man姐，更推開王敏奕挑機表示：「我都好想知道，究竟邊個可以坐到我個位？」結果令憑此劇奪3獎封三料視后的佘詩曼本人都忍不住說：「連我你都夠膽扮？」令丁子朗馬上「笠水」，並接過佘詩曼遞給他的西裝出場！

「最佳劇集」5強竟然冇份！

今年「最佳劇集」由《新聞女王》奪得，理應得到2 part的鏡頭，不過另外入圍5強的《香港人在北京》和《靈戲迫人》卻沒有被受重視，入5強都無份入選片頭惡搞！