葉蒨文露肩長腿網球裝束竟遭網民狠批「腳肥」 嬲爆連環出Po反擊

葉蒨文打網球造型被拍 大呻對方「變態行為」

4月中的復活長周末前夕，葉蒨文分享了一輯網球造型照，原來相約了好友鄧伊婷一齊飯後做運動，葉蒨文仲提到對方「變態行為」：

「咁焗又多蚊都嚟睇我打波，仲幫我影相，之後仲喺車係咁👀j我打波啲片，變態汁汁姐」

雖然一齊裝扮戰鬥格十足，不過在帖文中自謙打得唔係好叻，仲公開徵求Partner：「唔知未來另一半識唔識打網球呢？等緊有人教我打😋」似乎對稍後播出的戀愛真人騷抱有好高期望！

葉蒨文怒斥網民苛刻言論 捍衛「著衫有自由」

不過在眾多留言中，就有網民批評「隻腳肥咗咁多仲夠膽著裙」，引言論引發葉蒨文的強烈回應！她在社交平台發表長文，強調個人自由與自信，怒斥評論過於苛刻。「個人認為咁樣唔叫肥啊，就算係肥都可以着，呢個係我嘅自由，」葉蒨文直言，「你嘅言論絕對影響唔到我對自己嘅睇法，但係就係呢件事上我必須要出聲。」她批評此類言論可能對女性造成負面影響，削弱自信，並呼籲停止以刻板印象規範女性身材與穿著。

為女性發聲 反對網絡欺凌文化

葉蒨文進一步表示，網民的惡意評論不僅無益，還可能加劇社會不良風氣。她特別提到：「我覺得你呢啲評論有少少苛刻，我有啲擔心你咁樣講呢，令到好多女性如果見到呢類評論，會比網上嘅呢啲文化令到自己冇自信。」她強調不同女性應有自由選擇喜愛的服飾，無需迎合單一標準，並對留言者喊話：「你唔鍾意可以唔睇，但唔好帶風向令到個個女士都一定要瘦到得返鵬骨。」她更表明，當評論出現在她的社交平台時，她有責任為女性發聲，鼓勵大家無懼惡評，勇敢做自己。

呼籲無視負評 獲網民廣泛支持

在隨後的IG限時動態中，葉蒨文延續話題，強調不會因惡評動搖自我價值，但對社會風氣表達憂慮：

「你放心，你係真係唔會影響到我對自己嘅自我價值，但係就會令到我好擔心呢個社會嘅風氣。」

她批評留言者「食飽飯冇嘢做」，並鼓勵大眾無視負面評論，專注自我成長：「男男女女都唔使理呢啲留言嘅，做好自己就得啦。」這番言論獲得眾多網民認同，不少人讚揚她勇敢發聲，反對網絡霸凌，呼籲社會更加包容多元的審美觀。

奪命提示｜32歲葉蒨文首演人母委屈爆喊有發揮 兩款造型大展高貴女人味
女神配對計劃｜葉蒨文自爆甩拖 親揭狠撇6年男友原因 直言揀對象最緊要1條件
32歲葉蒨文自爆不乏富二代追求 唔介意眼細凸腩 最在乎1個條件

葉蒨文莊子璇澳門火紅look玩跳唱 靚爆造型互撼獲網民留言大讚！

今年年初，處境劇《愛·回家之開心速遞》中的小花葉蒨文，以及2023年港姐冠軍莊子璇（Hilary）年初三時，就獲邀參與澳門花車巡遊兼擔任表演嘉賓。2人於活動後亦在社交平台曬出多張當日嘅靚相，而表演時嘅火紅造型更引來唔少網民留言大讚！

莊子璇騷絕對領域獲大讚

莊子璇日前（2日）在社交平台曬出活動後嘅照片，並配文表示做完嘢之後睇嘅煙花「別有一番風味」，又再次感謝澳門花車嘅邀請。莊子璇仲大方分享多張火紅表演look嘅照片，相中佢更露出絕對領域示人，引來唔少網民大讚造型滿分：「呢個造型我畀滿分」、「你穿這一套太好看了」、「絕對領域不得了」、「求更多福利！」

葉蒨文側身整咪有睇頭

而一同參與表演嘅葉蒨文亦在社交平台曬出唔少靚相，仲配文分享表演時嘅小插曲：「落雨令到LED地板好滑，大家都就住嚟跑。Dancer們仲要搬住啲鼓快上快落，小癲但很厲害」而葉蒨文嘅靚相就同樣獲唔少網民大讚：「連整咪都咁靚點搞」、「呢個造型很適合你」、「大長腿冇得輸啦！」、「拍住Hilary都唔輸蝕！」