與天地對話｜蔡思貝淚灑白沙灘剖白委屈 父母越洋慰問感動人心

蔡思貝爆喊剖白：「唔知點解會畀人扭曲」

蔡思貝回想曾經愛踢拖，又自由嘅自己，直到入行後處處小心翼翼，雖然有得著，但仍然忍唔住喊咗出嚟：

「你以前去都邊都著住拖鞋周圍走，你就係鍾意自由自在，無拘無束嘅感覺⋯⋯但自從入行之後，可能係咪因為你嘅身份係香港小姐、公眾人物，令你將對拖鞋擺喺角落，遺忘咗佢呢？」

蔡思貝在鏡頭前淚如雨下，慢慢說：

「我明白你做好多嘢出嚟，唔知點解會畀人扭曲、誤會，但你都成日提自己，其實唔使驚，點解唔使驚，因為你好相信要明白你嘅，係同你志同道合嘅人。」

父母片段充滿洋蔥網友批刻意幫蔡思貝「洗白」

出身傳統家庭嘅思貝，其實一直逞強，對家人都係報喜不報憂，第一集嘅有思貝剖白外國留學想念父母，來到第三集就播出「父母視角」片段，節目組專誠找來思貝父母拍片，憶述思貝兒時往事、父母不捨她赴外國讀書、孤身一人生活的點滴，以及思貝入行後，父母無條件支持同鼓勵，令思貝不禁落淚。

網友回應：太刻意洗白

不過，有網友批評刻意製造賣慘環節，為蔡思貝「洗白」。「講啲人生道理, 太過刻意, 但又無乜說服力」、「呢套野想幫貝貝洗底」、「頭先佢老竇都好似諗唔到有啲乜嘢慘出嚟講」、

&t=20s

蔡思貝自認從小個性孤僻 外國留學想念父母、畢業禮最唔開心

2013年香港小姐亞軍、視后蔡思貝擔任第二位嘉賓，昨晚（25日）起一連三集踏足神秘孤島——索科特拉島，讓她勾起不少孤獨回憶。思貝自認從小個性孤僻，孤僻程度試過全家人出門落街後，才發覺「漏咗個女喺屋企」。思貝於13歲隻身遠赴新西蘭升學，由於就讀寄宿學校，需要排隊打長途電話回港給父母，說到此不禁眼濕濕：「有時傾得耐會畀人鬧，好掛住咪傾耐啲…」蔡思貝又提到畢業的一天，父母因為無錢所以並未有赴新西蘭出席典禮，熱鬧的人群中得自己一個，令到佢好唔開心！

蔡思貝重提「一年冇拍劇」低潮期

直到22歲回流香港，思貝參選港姐並展開演藝事業，她直言初時選港姐「唔識驚」，後來對自己有目標、有追求後，開始擔心自己會失敗和失望。她主動重提入行兩年便在劇集《衝線》擔正女主角，惟演出負評如潮，思貝曾一度擔心未能滿足觀眾要求…思貝又透露已有一整年時間沒有拍劇，並坦言懷疑人生：「呢一年我冇休息過，希望喺各方面有進步，我好深信會有好正嘅角色等緊我。」