貝遊歐洲｜蔡思貝親生哥哥與達哥零似樣 旅遊節目重提德國升學經驗

蔡思貝展開速度與激情之旅

思貝在今晚（4日）的第4集中，去到北威爾斯展開速度與激情之旅，首站走入森林挑戰超巨型韆鞦、過山車和空中繩索，更在事前簽下生死狀！思貝坐在韆鞦上以90度俯衝向下，事後她直言刺激又好玩:「好彩頭先唔係食得好飽，嗰吓離心力好勁，如果頭先嗌爆咪真係唔好意思！」

蔡思貝空中繩索全世界最快

之後她再玩過山車，並抱着「沒有最驚險只有更驚險」的精神挑戰全歐洲最長、全世界最快
的空中繩索，該空中繩索全長一英里，思貝穿好裝備後，以時速160公里的速度飛落山谷，令她開心表示：「真係自由自在到一個點！」

蔡思貝首度公開親哥哥容貌

第5集思貝去到蘇格蘭的格拉斯哥，與多年沒見的親哥哥見面，更首度揭開哥哥的廬山真面目！思貝笑言收埋哥哥多年，連身邊的好友和粉絲亦未見過他，思貝哥哥在蘇格蘭生活了差不多17年，2人甫見面即來個深情擁抱，思貝笑言:「諗唔到第一次嚟蘇格蘭探你，係因為拍旅遊節目！」

蔡思貝哥哥親手煮餸超感動

2兄妹難得重聚，思貝哥哥答應為妹妹煮一餐飯，更炮製了思貝最愛的蒸水蛋，雖然最後失敗收場，但思貝仍然十分感動：「你咁多年都冇煮過嘢食畀我，今次真係第一次，多謝你！」

蔡思貝的由港姐變一姐德國修讀民族學未畢業選港姐

現年31歲的蔡思貝的爸爸是警察，她自小在北角警察宿舍長大，曾立志當女警。她13歲時便獨自到紐西蘭留學，大學再到德國海德堡大學修讀民族學，但未完成第一年課程便於2013年暑假回港，參選香港小姐並成功奪取亞軍而入行。入行後獲監製賞識接拍多套劇集，事業發展如日中天。

菲律賓假學歷風波 一個月完成工商管理學士課程

雖然蔡思貝入行初期便有多個拍劇機會，入行後第二年即擔正做劇集《衝線》女主角，但因演技、聲線稚嫩被網民批評，其演技劣評如潮。同年，她亦爆出不同的負面新聞，除了被指樣貌與KOL達哥相似而被稱為「蔡思達」外，最轟動的莫過於外界對其學歷的質疑。她被爆出以兩個月時間極速完成菲律賓比立勤國立大學的工商管理學士課程，加上被揭發當年申請入讀美大學碩士學位時，懷疑其母親未有申報親屬關係，為她撰寫推薦信。法律界人士指撰寫人或涉嫌作「虛假陳述」，蔡思貝拒絕正面回應，因事件受盡抨擊。

蔡思貝激罕泳衣look大玩「冰火兩重天」

今次節目蔡思貝首先就去到英格蘭南部的布萊頓感受陽光與海灘，當中最大睇頭絕對是「冰火兩重天」桑拿浴，以一件頭泳衣上陣的蔡思貝大晒健美身材。由於當時天氣只得 15 度，思貝沖凍水涼時凍到彈彈吓，畫面搞笑。

沖完凍水涼後，思貝即急急腳走入桑拿房歎世界，一邊焗桑拿一邊欣賞無敵海景，Chill 級享受。美景當前，思貝有感而發：「呢個 Moment，最掛住係一班姊妹朋友，成日都話想一齊去旅行，但一直都未試過，因為大家都為自己嘅家庭、事業奮鬥緊，但我相信總會有呢一日。」

蔡思貝巧遇智利粉絲

思貝於 Brighton Palace Pier 遊玩時發生小插曲，思貝玩滑梯時偶遇一名因掉了帽子爆喊的小男孩，思貝見狀即為他「執番頂帽」，小男孩則送上抱抱感謝思貝，畫面有愛。之後，蔡思貝出發到布里斯托和巴斯遊玩，行逛期間獲智利旅客邀合照，原來該名智利旅客是思貝粉絲，一直都有Follow她的社交網，思貝知道後感動得眼濕濕說：「媽咪我成功喇，我衝出國際喇！有啲感動，我做咗十年係冇白費嘅！」

觀眾睇完反應兩極 ：佢把聲太尖 又成日大叫

對於蔡思貝主持《貝遊英倫》後，今次再添食拍《貝遊歐洲》，唔少觀眾睇完反應兩極 ：「人靚不造作❤️」、「雖然大材小用，但蔡思貝做主持確實出色」、「以前佢5係咁㗎，5係普通啲嘈係嘈死人嗰種！表情誇晒張，個樣又變到男人樣咗咁多… 以前覺得佢靚，睇完呢集就覺得佢扣晒分」、「佢把聲太尖 又成日大叫 唔想聽佢介紹 咁多年都唔改 唉」。

網民嘲泳衣look有陣達哥味

蔡思貝難得以一件頭泳衣上陣大晒健美身材，不過被批似「阿婆泳衣」，又指蔡思貝仍難摵甩同達哥撞樣的感覺，「硬係有陣達哥味」、「既生達 何生貝」、「睇達哥沖涼」。

蔡思貝 介意被稱「達哥」

蔡思貝先後被指似陳煒、梅艷芳，木村拓哉，又或者係網絡紅人「達哥」，佢話被指似樣撞樣唔緊要，但最介意係網民喺佢專頁叫佢做「蔡思達」，甚至直接叫佢做「達哥」，佢認為：「改名叫我做蔡思貝，就一世都係蔡思貝，而唔係其他名！」